Búgin Astana qalasynyń barlyq mektepterinde «Bilimim – Otanyma» jalpy respýblıkalyq biryńǵaı tárbıe saǵaty ótti dep habarlaıdy Adyrna Ulttyq portaly.
Oqý jylynyń aıaqtalýyna oraı ótkizilgen tárbıe saǵatynda synyp jetekshileri oqýshylarmen jáne ata-analarmen birlesip oqý jylyn qorytyndylady.
Balalardy ustazdardy qurmetteýge, bilim uıasyna qamqor bolýǵa, bilim alýǵa qushtar bolýǵa, jyl boıy alǵan biliminiń nátıjesin qorytyndylaý maqsatynda ótkizilgen tárbıe saǵatyna 1-10 synyptyń barlyq bilim alýshylary qatysty.
Astana qalasy Bilim basqarmasynyń Jalpy orta bilim berýdiń mazmuny men ádisteme bóliminiń basshysy Asyl Amankeldıeva Abaı Qunanbaıuly atyndaǵy №87 mektep-gımnazııasynda ótken synyp saǵatyna arnaıy bardy.
«Bul – 1 jáne 10 synyp oqýshylaryna arnalǵan shara. Synyp saǵaty 9.00-de Memlekettik Ánuranmen bastaldy. Odan keıin bilim alýshylar Oqý-aǵartý mınıstriniń joldaǵan quttyqtaý sózin tyńdady. Búgingi is-shara ata-analardyń qatysýymen erekshe formatta ótti. Munda synyp jetekshileri oqýshylarmen jáne ata-analarmen birlesip oqý jylyn qorytyndylady. Tárbıe saǵatynda bilim alýshylardyń bilim nátıjesi, sondaı-aq bilim, óner, sport salalarynda jetken jetistikteri aıtyldy», - dedi Asyl Amankeldiqyzy.
Aıta ketsek, bıyl elordalyq mektepterde 263 myńnan astam bala bilim aldy. Olardyń ishinde 11-synypty 11 230 túlek aıaqtasa, 1-synypty 28 556 bala, 9-synypty 19 952 oqýshy támamdaıdy. Al Altyn belgige – 295 oqýshy, úzdik attestatqa – 717 oqýshy úmitker.
