Mańǵystaý oblysy Beıneý aýdanyndaǵy túlekterdiń ata-analary 25 mamyr kúni tús aýa Boranqul aýylynda sońǵy qońyraýdan keıin bolǵan jappaı tóbeleske baılanysty birneshe vıdeohabarlama joldady, - dep habarlaıdy “Adyrna” ulttyq portaly.
Ata-analar balalarynyń qylyǵy úshin Qazaqstan halqynan keshirim surady. Túlekterdiń ákeleri men analary tóbeles saldarynan eshkim zardap shekpedi dep sendirdi. Olardyń aıtýynsha, muǵalimder, mektep dırektory jáne polıııa qyzmetkerleri túsindirý jumystaryn júrgizgen. Eshqandaı shaǵymdar joq.
Túlekterdiń ózderi de keshirim surady. Olar tóbelestiń qandaı da bir «kelispeýshilikten» týyndaǵanyn aıtty. Sondaı-aq olar ata-analardan, mektep basshylyǵynan jáne muǵalimderden keshirim surady.
Esterińizge sala keteıik, senbi, 25 mamyr kúni tús aýa Mańǵystaý oblysy, Beıneý aýdany, Boranqul (burynǵy Opornyı) aýylynda túlekter arasynda jappaı tóbeles bolǵan edi. Oqıǵa vıdeoǵa túsip qalyp, áleýmettik jelide jarııalanǵan. Kadrda birneshe ondaǵan jasóspirimniń tóbelesip jatqany, olardyń keıbiriniń jınalǵandarǵa tas laqtyryp jatqany kórinedi.
Oblystyq polıııa departamenti buzaqylyqqa qatysty qylmystyq is qozǵalǵanyn habarlady. Kámeletke tolmaǵan 47 jasóspirim polıııaǵa jetkizildi.
