Prezıdent Qasym-Jomart Toqaev Irannyń Astanadaǵy elshiligine baryp, kóńil aıtý kitabyna jazba qaldyrdy, dep habarlaıdy "Adyrna" ulttyq portaly.
Iran prezıdenti Ibragım Raısı men úkimet delegaııasy múshelerini 19 mamyrda tikushaq apaty saldarynan qaza tapty. QR Prezıdenti 21 mamyr kúni Qazaqstandaǵy Iran elshiligine baryp, kóńil aıtty.
"Iran Islam Respýblıkasynyń prezıdenti Ibragım Raısıdiń jáne Úkimet delegaııasy músheleriniń mezgilsiz qazasy týraly qaraly habar qabyrǵamyzdy qaıystyrdy. Óz ultynyń uly perzenti Ibragım Raısı – Otanyna adal qyzmet etken tuǵyrly tulǵa. Biz ony parasatty basshy, bedeldi saıasatker, eki eldiń yntymaqtastyǵyn nyǵaıtýǵa zor eńbek sińirgen qaıratker retinde árdaıym este saqtaımyz. Qazaq halqynyń jáne ózimniń atymnan ırandyq baýyrlarymyzǵa qaıǵyryp kóńil aıtamyn. Marqumdardyń ımany salamat, rýhy peıishte bolsyn!" – dep jazdy Memleket basshysy.
Iran prezıdenti Ibragım Raısı mingen tikushaq 19 mamyr kúni apatqa ushyrap, prezıdent pen borttaǵy ózge de sheneýnikter qaza tapty.
