Mádenıet pen óner qyzmetkerleriniń mindeti el úshinde asa mańyzdy. Olar eldiń tarıhyn, mádenıein damytýǵa úlken úles qosýda, dep habarlaımyz "Adyrna" ulttyq portaly.
Mádenıet qyzmetkerlerinsiz damýǵa, áleýetti rýhanı baıytý múmkin emes. Bul týraly mınıstr Aıda Balaeva QazAqparat tilshisine bergen suhbatynda baıandady.
"Mádenıet pen óner eń mańyzdy tárbıelik mıssııany atqarady. Olarsyz adam tutas, damyǵan, rýhanı bola almaıdy. Mádenıet pen ónerdi merekeleý mádenı murany saqtaýdyń, patrıotızmdi tárbıeleýdiń jáne qoǵamymyzdyń jalpy mádenı damýynyń mańyzdylyǵyn atap ótedi.
Mádenıet salasyn damytýdaǵy Memleket basshysynyń rólin erekshe atap ótkim keledi.
Onyń tapsyrmasy boıynsha mádenıetti damytýǵa, ony nasıhattaýǵa jáne ulttyq murany saqtaýǵa qolaıly jaǵdaı jasalýda, shyǵarmashylyq ujymdar mádenıetimiz ben ónerimizdi jaqyn jáne alys shet elderde tanystyrýda, jańa nysandar salynyp, materıaldyq-tehnıkalyq bazasy jasaqtalýda. Al bul Memleket basshysynyń qoldaýymen atqarylǵan jumystyń bir parasy ǵana", - dedi Aıda Balaeva suhbat barysynda.
Óz kezeginde Mádenıet jáne aqparat mınıstri shyǵarmashylyqtaǵy ókilderdiń Ádiletti Qazaqstandy qurýǵa baǵyttalǵan prezıdenttik reformalardy qoldap, júzege asyrýǵa atsalysyp jatqanyn málimdedi. Ol mádenıetti damyýda janqııarlyqpen jumys isteıtin adamdardy naǵyz patrıottar dep atap ótti.
"Memleket basshysynyń aldymyzǵa qoıǵan mańyzdy mindetteriniń biri – mádenıet saıasatyn jetildirýge baılanysty.
2023 jyly Qazaqstan Respýblıkasynyń 2029 jylǵa deıingi kezeńge arnalǵan mádenıet saıasatynyń tujyrymdamasy bekitildi. Qujat mádenı saıasatty damytýdyń negizgi qaǵıdattary men tásilderin, sondaı-aq nysanaly ındıkatorlar men kútiletin nátıjelerdi aıqyndaıdy.
Ártúrli baǵyttar boıynsha júıeli jumys júrgizilýde: ınfraqurylymdy damytý, shyǵarmashylyq bastamalardy qoldaý, kadrlardy daıarlaý jáne qazaqstandyq mádenıetti shetelde nasıhattaý.
Árıne, qıynshylyqtar bar, biraq bul rette júıeli jumystar júrgizilýde, túıtkildi máselelerdi qalaı sheshýge, ári qaraı júrýge naqty kózqaras bar.
Aıtpaqshy, áleýmettanýlyq zertteýler halyqtyń osy saladaǵy qyzmet kórsetý sapasyna qanaǵattanýshylyq deńgeıi 74 paıyzdy quraǵanyn kórsetti. Bul mádenı saıasatty jetildirý boıynsha qolǵa alynǵan sharalar qazirdiń ózinde óz jemisin berip jatqanyn, biraq Qazaqstannyń mádenıeti men ónerin odan ári damytý úshin áli de kóp jumys kútip turǵanyn ańǵartady.
Mádenıet qaıratkerleri spektakl úshin mıllıondaǵan teńge alady degenge kóp adamdar senedi. Árıne, bar, biraq olar az. Bul úlken juldyzdar, kommerııalyq turǵydan tabysty.
Degenmen, ortasha jalaqyǵa óz shyǵarmashylyǵymen bólisýge daıyn adamdar odan da kóp.
Olar jumys jaǵdaıyna shaǵymdanbaıdy jáne ózderiniń ónerine adal bolyp qalady. Olardyń óz isterine berilgendigi men súıispenshiligi baǵa jetpes.
Bul adamdar mańyzdy mıssııany oryndaıdy - olar qarapaıym halyqqa qýanysh pen rýhanı qoldaý ákeledi. Bul ártúrli daǵdarystar kezinde óte mańyzdy. Buǵan taıaýda elimizdiń batysynda bolǵan sý tasqyny kezinde tutas shyǵarmashylyq ujymdar, jeke tulǵalar óz bastamalarymen konert qoıyp, odan túsken qarjynyń barlyǵy zardap shekkenderge jóneltilip, bir kúndik jalaqylaryn jınap, óz erkimen kómek kórsetkende kóz jetkizdik", - dep atap ótti mınıstr.
