Búgin - Qazaqstanda mádenıet jáne óner qyzmetkerleri kúni, dep habarlaıdy "Adyrna" ulttyq portaly.
Bul kún týǵan jerimizdiń rýhanı damýyna jáne baı mádenı muramyzdy dáripteýge zor úles qosyp júrgen jandardy biriktirgen, shyǵarmashylyq adamdaryna degen aıryqsha qurmettiń belgisi, árbir mádenıet qyzmetkerleriniń tól merekesi bolyp sanalady.
QR Mádenıet jáne aqparat mınıstri Aıda Balaeva mádenıet jáne óner qyzmetkerlerin merekemen quttyqtady.
" Sizderdi mádenıet jáne óner qyzmetkerleri kúnimen shyn júrekten quttyqtaımyn! Bul kún – adamzatty izgilikke baýlyp, meıirimge úndeıtin, sulýlyqqa qushtar, jarastyqqa toly álemge senetin, bolashaq úshin jasampazdyqqa bastaıtyn ardaqty kásip ıeleriniń merekesi.
Búginde bizdiń elimizde 8 myńǵa jýyq mádenıet oshaǵy bar, onda 64 000-nan astam qyzmetker jumys isteıdi. Onyń ishinde teatr, mýzeı, kitaphana, konerttik uıymdar, óner galereıalary men basqa da kóptegen mekemelerdi erekshe atap ótýge bolady. Sizderdiń qajyrly qyzmetterińiz arqyly Qazaqstannyń baı mádenı murasy saqtalyp, órkendep-damyp keledi.
Sizderdiń eńbekterińiz memlekettik deńgeıde joǵary baǵalandy: 2023 jyly mádenıet qyzmetkerleriniń jalaqysy 2021 jylmen salystyrǵanda 45% ósti. 30 jylda alǵash ret «Halyq ártisi» qurmetti ataǵy taǵaıyndalyp, ataq segiz kórnekti mádenıet qaıratkerine berildi. Sonymen qatar «Mádenıetaralyq jáne etnosaralyq birlikti nyǵaıtý baǵytynda mádenıet pen óner salasyndaǵy úzdik jumystar men týyndylar úshin» syılyǵy taǵaıyndaldy.
2023 jyly memlekettik qoldaýmen túsirilgen 18 fılmniń óndirisi aıaqtalyp, 19 jańa kınojoba jasaldy", - delingen mınıstr quttyqtaýynda.
Odan bólek, Aıda Balaeva quttyqtaý habarlamasynda elimizdiń mádenı murasyn nasıhattaýǵa úles qosyp júrgenderge alǵysyn bildirdi.
«Qazaqanımaııa» shyǵarmashylyq birlestigi aıasynda 12 qazaqstandyq stýdent pen maman Ankara, Ystanbul jáne Krakovtaǵy anımaııa stýdııalarynda oqydy.
Ótken jyly Q.Qýanyshbaev atyndaǵy akademııalyq qazaq mýzykalyq-drama teatryna jáne «Áziret Sultan» tarıhı-mádenı mýzeı-qoryǵyna «Ulttyq» mártebesi berildi.
Elimizdiń mádenı murasyn shetelde nasıhattaýǵa qosqan baǵa jetpes úlesińiz úshin erekshe alǵysymdy bildiremin.
Sizderdiń eńbegińiz ben shyǵarmashylyqtaryńyz bizdiń mádenıetimizdi baıytyp qana qoımaı, álemge qazaqstandyq dástúrlerdiń, óner men tarıhtyń baılyǵyn pash etedi
Sizder arqyly Qazaqstandy shet elder biregeı mádenı murasy bar memleket retinde tanıdy. Mádenıet qyzmetkerleri kórme, konert, teatr qoıylymdaryn ótkizip, halyqaralyq festıvaldar men baıqaýlarǵa qatysady, osylaısha álemdik arenada bizdiń mádenıetimizdi tanystyrady. Ózderińizdi óner men shyǵarmashylyq arqyly elder arasyndaǵy dostyq pen yntymaqtastyqty jalǵap otyrǵan altyn kópir ári naǵyz mádenıet elshileri dep bilemiz.
Sizderge jankeshti jumystaryńyz ben óz isterińizge degen adaldyqtaryńyz úshin jáne halyqaralyq arenada Qazaqstannyń ımıdjin nyǵaıtýǵa qosqan zor úlesterińiz úshin alǵys aıtamyn. Sizder arqalaǵan mindet – asqar taýdaı bıik, sizder ańsaǵan murat – máńgilik. Sizder atqarǵan qyzmet – elimiz úshin asa mańyzdy.
Barshańyzǵa zor densaýlyq, shyǵarmashylyq tabys, kúsh-qýat jáne jarqyn jetistikter tileımin!" - dep qorytyndylady Mádenıet jáne aqparat mınıstri.
