Iran prezıdenti jáne syrtqy ister mınıstri mingen tikushaq apatqa ushyrady, dep habarlaıdy "Adyrna" ulttyq portaly IRNA-ǵa siltep.
Iran prezıdenti Ebrahım Raısı men syrtqy ister mınıstri Hoseın Amır Abdollahıan mingen tikushaq Shyǵys Ázirbaıjan aımaǵynda qatty qonǵan.
«Prezıdent mingen tikushaq Irannyń soltústik-batysyndaǵy Shyǵys Ázirbaıjan aımaǵynda tumandy aýa raıy saldarynan jerge qulady, prezıdent korteji Tebrız aımaǵyna bet aldy», - delingen habarlamada.
Irannyń ishki ister mınıstri Ahmad Vahıdı Ibrahım Raısı kortejiniń tikushaǵynyń apatqa ushyraǵanyn rastady. Ol oqıǵa ornyna qutqarý toptarynyń jiberilgenin málimdedi.
Bortynda Iran prezıdenti bar tikushaq Ázerbaıjan prezıdenti Ilham Álıevpen kelissózderden keıin qaıtyp kele jatqan sátte Ázirbaıjan shekarasyna jaqyn Djolfa qalasyna qatty qonǵan.
Tikushaqtyń ishinde Tebrız ımamy da bolǵany anyqtalǵan. Tasnim aqparat agenttigi tikushaq ekıpajynyń komandalyq ortalyqpen baılanysqa shyqqanyn habarlady. Aımaqqa 16 qutqarý toby jiberilgen.
Ázirge zardap shekkender týraly málimet joq. Iran bıligi ózge de derekterdi habarlaıdy.
