Qazaqstan men Japonııa sý tasqynymen tıimdi kúresý úshin gıdrotehnıkalyq qurylystardy nyǵaıtý boıynsha birlesip jumys júrgizýdi josparlap otyr. Yntymaqtastyq osy jyldyń maýsym aıynda bastalýy múmkin, dep habarlaıdy «Adyrna» tilshisi.
18 mamyrda Sý resýrstary jáne ırrıgaııa birinshi vıe-mınıstri Bolat Beknııaz Japonııanyń Qazaqstandaǵy elshiliginiń ókili Kanata Tomohıromen kezdesý barysynda yntymaqtastyq múmkindikterin talqylady.
Qazirgi ýaqytta Japonııa taraby eki baǵytta kómek kórsetý múmkindigin qarastyryp otyr. Birinshisi - Japonııanyń jer, ınfraqurylym, kólik jáne týrızm mınıstrligimen birlesip jumys jasaý. Ekinshi baǵyt – japondyq halyqaralyq yntymaqtastyq agenttigimen (JICA) ózara seriktestik ornatý. Sonymen qatar, JICA osy jyldyń maýsym aıynda tehnıkalyq qoldaý kórsetýge daıyn.
«Qazaqstan tarapynan suranysqa jedel jaýap bergen japondyq áriptesterimizge alǵys aıtamyn. Biz jumysty bastap ketý úshin barlyq qajetti derekterdi berýge daıynbyz. Qazir bizdiń sarapshylar nysandarǵa bastapqy tekserý jumysyn júrgizip jatyr. Zamanaýı japondyq tehnologııalar qajetti jumys kólemin dál anyqtaýǵa múmkindik beredi»,- dedi sý resýrstary jáne ırrıgaııa birinshi vıe-mınıstri Bolat Beknııaz.
Óz kezeginde Japonııa taraby qysqa merzimde nyǵaıtylýy tıis mańyzdy qurylymdardyń tizimin surady. Derekter JICA ókilderine beriledi.
