Memleket basshysy Qasym-Jomart Toqaev premer-mınıstr Oljas Bektenovtiń sý tasqynynyń saldaryn joıý jáne zardap shekkenderge kómek kórsetý jumystary týraly esebin tyńdady. Bul týraly búgin, 18 mamyrda Aqordanyń baspasóz qyzmeti jazdy, dep habarlaıdy «Adyrna» tilshisi.
Prezıdent bul baǵyttaǵy sharalardy kúsheıtýge, zardap shekken turǵyndardy sapaly baspanamen qamtamasyz etýge, qalalar men eldi mekenderdegi ınfraqurylymdardy jóndeýge jáne qurylys jumystaryna kirisýge qatysty tapsyrma berdi.
Qasym-Jomart Toqaevtyń aıtýynsha, jergilikti atqarýshy organdardyń basshylary halyqpen etene ári tıimdi jumys isteýge mindetti. Sondaı-aq týyndaǵan máselelerdi sheshý jáne jurtshylyqtyń oryndy talap-tilegin oryndaý jónindegi memlekettik saıasat pen qabyldanyp jatqan sharalardy naqty túsindirýge tıis.
Sonymen qatar Úkimet, ákimdikter quqyq qorǵaý organdarymen birlesip, zańǵa sáıkes qoǵamdyq tártipti qamtamasyz etýi kerek.
