Shet aýdanynda barlyǵy 60 úı sý astynda qaldy. Komıssııa olardy tehnıkalyq tekserýden ótkizip, alty úıdi apatty dep tapty. Bes otbasy bıýdjet esebinen úı satyp aldy. Olar baspanany ózderi tańdady. Shet aýdanynyń Deripsal bólimshesinde taǵy bir úı salynyp jatyr .Mundaı sheshim eldi mekende satylatyn úıler bolmaýy sebepti qabyldanǵan. Jańa turǵyn úıdiń aýdany 75 sharshy metrdi quraıdy.
Apatty dep tanylmaǵan basqa 54 úıde jóndeý jumystary júrgizilýde. Turǵyndar múlikteriniń zaqymdanǵany úshin de, jóndeý jumystaryna da ótemaqy aldy.Sondaı-aq, qyrylǵan maldyń shyǵynyn óteý máselesi de sheshildi.
Sý tasqynynan zardap shekken turǵyndarǵa memleketten de, qoǵam qaıratkerlerinen, eriktilerden, kásipkerlerden , QHA-dan da jan-jaqty qoldaý kórsetildi.
Qaraǵandy oblysynyń áıelder isteri jáne otbasylyq demografııalyq saıasat jónindegi ulttyq komıssııasy erteń jetkiziletin gýmanıtarlyq júk jiberedi.
