Ekibastuzda 8 aılyq sábı ashtan qaıtys boldy, dep habarlaıdy "Adyrna" ulttyq portaly.
Bul týraly Pavlodar oblystyq sotynyń baspasóz qyzmeti málimdedi. Oqıǵa 2023 jyldyń 10-17 qarashasynda bolǵan.
Oblystyq sottyń málimetinshe T. esimdi turǵynǵa qatysty qylmystyq is abaısyzda qazaǵa ushyratý faktisi boıynsha qozǵalǵan.
"T. esimdi turǵyn 2023 jyldyń 10-17 qarashasy aralyǵynda Ekibastuz qalasy Shiderti aýylynda turyp, segiz aılyq balasyna qylmystyq nemquraıdylyq tanytyp, ony jetkilikti tamaqpen qamtamasyz etpegen. Onyń abaısyzdyǵy balanyń ólimine ákep soqqan", - delingen habarlamada.
Kelinshek óz kinásin moıyndap, istegen isine ókinetinin aıtty. Onyń kinási sot-medıınalyq saraptamasynyń qorytyndysy, sarapshynyń aıǵaqtary jáne sotta zerttelgen basqa da qujattamalyq, zattaı dáleldemeler arqyly rastalyp otyr.
Sot anaǵa qatysty 1 jylǵa bas bostandyǵynan aıyrý jazasyn taǵaıyndady. Al kelinshektiń qalǵan eki jas balaǵa qatysty ata-ana quqyǵy shekteldi.
