Meshitte bolǵan tóbeles áleýmettik jelide tarap ketti. Oqıǵaǵa 14 mamyrda QMDB - múftııat túsinikteme berdi, dep habarlaıdy "Adyrna" ulttyq portaly.
Jelide er adamnyń meshit ishinde ózge bir adamdy judyryqpen urǵan beınesi taraǵan bolatyn. Qazaqstan musylmandary dinı basqarmasynyń baspasóz hatshysy Aǵabek Qonarbaıulynyń tek búgin Facebook-tegi paraqshasynda mán-jaıǵa túsinikteme berdi.
14 mamyr kúni Dinı basqarma oqıǵanyń 2024 jylǵy 12 mamyrda keshki aqsham namazy ýaqytynda Shymkent qalasyndaǵy meshitterdiń birinde bolǵanyn habarlap otyr. Ózge óńirden megapolıske kelgen bir top azamat meshit ımamynyń eskertýine qaramastan, birneshe ret jamaǵat namazyn buzǵan.
Sondaı-aq, QMDB jaýabynda ózge mázhabta namaz oqyǵan azamattar jınalǵan jamaǵat pen ımamnyń ótinishine qulaq aspaı, meshit erejesin óreskel buzǵany aıtyldy.
"Áleýmettik jelide meshitte bolǵan oqıǵa taralýda. Osyǵan baılanysty QMDB tómendegini málimdeıdi:Oqıǵa 2024 jyldyń 12 mamyrynda keshki aqsham namazy ýaqytynda Shymkent qalasyndaǵy meshitterdiń birinde bolǵan. Ózge óńirden Shymkent qalasyna kelgen birtop azamat meshit ımamynyń eskertýine qaramastan birneshe ret jamaǵat namazyn buzǵan. Ózge mázhabta namaz oqyǵan olar jamaǵat pen ımamnyń ótinishine qulaq aspaı, meshit erejesin óreskel buzǵan.Namaz kezinde “ámın” duǵasyn qatty daýyspen aıtqan jandardyń áreketine tózbegen meshitke turaqty kelýshi bir azamat olardyń birine qol jumsaǵan. Nátıjesinde ımam jamaǵat namazyn toqtatýǵa májbúr bolǵan. Oqys oqıǵa der kezinde toqtatylyp, polıııa qyzmetkerleri tıisti jumys júrgizýde.Qazaqstan musylmandary dinı basqarmasy meshitke kelýshi jamaǵatty meshit erejesine baǵynýǵa, sonymen qatar qulshylyq úıinde sabyr saqtap, kórkem minez tanytýǵa shaqyrady.Eske sala ketsek, QMDB bekitken "Meshit erejesi" boıynsha Qazaqstan musylmandarynyń aýyzbirshiligi men birtutastyǵyn qamtamasyz etý úshin namaz ben dinı rásimder Ábý Hanıfa mázhaby boıynsha oryndalady", - delingen jaýapta.
