Almaty oblysynda balany qaǵyp, mert qylǵan kúdikti tergeý ızolıatoryna qamalmaǵan, dep habarlaıdy "Adyrna" ulttyq portaly Informbıýro jańalyqtaryna siltep.
Úı mańynda oınap júrgen 5 jasar Álı Oǵly Zulqaınaryndy kólik qaǵyp ketken. Saldarynan bala kóz jumǵan. Marqumnyń ata-anasy kináliler áli jazasyn almastan isti jabýǵa tyrysyp jatqanyn habarlady. Al qaıǵyly jaǵdaıǵa kýá bolǵandar kúdiktiniń shara qoldanbaǵanyn aıtady.
“Men jerde jatqan balany kórip, birden ata-anasyn aıǵaılap shaqyrdym. Bárimiz ne isterimizdi bilmeı qaldyq. Kólik joldyń ar jaq betinde tur eken. Júrgizýshisi uzaq ýaqyt shyqpady. Jedel járdem shaqyryp jatqanda, balanyń janyna kelip, balaǵat sózder aıtty. Artynsha kóliginiń mańyna baryp telefonmen sóılesti”, – dedi aýyl turǵyny Zarına Saǵaraeva.
Aýyl turǵyndary búldirshindi qaqqan kólik ıesi osy aýyldyń turǵyny ári mektepte muǵalim bolyp jumys isteıdi deıdi. Al marqumnyń týystarynyń sózinshe, oqıǵa bolǵan kúni quzyrly organ qyzmetkerleri júrgizýshiniń jaǵdaıyna qatysty saraptama júrgizbegen, tergeýge de almaǵan.
“Qaqqan kólik júrgizýshisin qamamady, eshqandaı shara qoldanylmady. Tipti keshirim suraǵan joq. Keshe týystarymen kelip, óziniń kinásiz ekenin aıtyp, kerisinshe bizdi balaǵattap ketti. Men kináli áıel tıisti jazasyn alsa deımin. Búgin baýyrym óldi, endi erteń taǵy bireýdiń balasy óledi. Ádilettilik ornaýy tıis”, – dedi marqumnyń aǵasy Murat Ábıtov.
Al mundaı istiń aýylda birinshi ret bolǵanyn málimdegen okrýg ákimi isti quzyrly organǵa tapsyrǵanyn aıtqan.
“Qıyn jaǵdaı bolyp otyr. Bul máselemen búginde Eńbekshiqazaq aýdanynyń polıııasy aınalysyp jatyr”, – dedi Saımasaı aýyldyq okrýginiń ákimi Baqytjan Chýrmakov.
Almaty oblystyq polıııa departamentiniń málimetinshe qylmystyq kodekstiń 345-baby "kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý" baby boıynsha is qozǵalǵan.
Degenmen marqumnyń týystary bul iske kóńili tolmaıtyndaryn aıtady.
