Qazaqstan Ulttyq olımpıada komıtetiniń basshysy Ózbekstan Ulttyq olımpıada komıtetiniń basshylyǵymen kezdesti, dep habarlaıdy "Adyrna" ulttyq portaly Olympic.kz basylymyna silteme jasap.
Ulttyq olımpıada komıtetiniń basshysy Gennadıı Golovkın Ózbekstan UOK bas hatshysy Oıbek Qasymovpen kezdesti.
"Taraptar baýyrlas elderdegi sportty damytýdyń maqsaty men erekshelikteri ortaq ekenin atap ótti. Bul baǵyttaǵy birlesken jumys tutastaı qurmet pen dostyq negizge qurylǵan", - delingen habarlamada.
Otabek Omarov Gennadıı Golovkındi Qazaqstan UOK basshysy qyzmetine taǵaıyndalýymen quttyqtap, aımaqtaǵy kez kelgen bastamaǵa qoldaý kórsetetinin aıtty. Kezdesý barysynda sport salasyn damytýdyń aldaǵy josparlary men eki el UOK arasyndaǵy yntymaqtastyq máselesi de talqylandy. Sondaı-aq taraptar eki eldiń sport salasyndaǵy yntymaqtastyǵy jasandy básekelestik negizinde emes, ózara qoldaý negizinde qurylýy kerek degen ortaq sheshimge keldi. Eki eldiń UOK basshylary sportty damytýǵa, joǵary nátıjelerdi baǵyndyrýǵa ortaq kúsh baǵyttaý qajettigin aıtty.
