Aqtaý turǵyny jubaıynan zorlyq-zombylyq kóretinin aıtyp, kópten kómek surady, dep habarlaıdy "Adyrna" ulttyq portaly Lada.kz-ke siltep.
Aqtaýlyq Araılym esimdi kelinshek jubaıynyń zorlyq-zombylyq jasap, qýdalaýyna baılanysty jelige beıne júktep, Qazaqstannyń quqyq qorǵaý organdarynan kómek surady. Aıtýynsha, áıel jubaıymen 13 jyl birge turyp kelgen.
"Bilesizder be, men Bıshimbaevqa qatysty sot proesin kórip, tańǵaldym. Onyń ne aıtatynyn aldyn-ala bilgen sııaqtymyn. Daýsy, sóıleý máneri. Mundaı adamdar birdeı ómir saltyn ustanyp, birdeı oılaý qabiletine ıe bola ma? Óz basym tozaqta ómir súrdim. Odan 2023 jyly ketkim keldi, biraq úsh kishkentaı balam bar edi. Ol meni ata-ana quqyǵynan aıyramyn dep qorqytty, ańǵal jáne jas boldym. Qoryqqanymnan qaıtyp keldim. Aqyrynda odan taıaq dep aýrýhanaǵa tústim", - deıdi Aqtaý turǵyny.
Araılym kúıeýimen kezdeskennen soń aýrýhanaǵa túsken. Tipti naýryzda er adamǵa áıeline jaqyndaýǵa tyıym salatyn qorǵaý nusqamasy týraly úkim de shyqqan.
"9 naýryzda kúıeýim Aqtaý áýejaıynan kele jatqanymda izimnen túsip apatty jaǵdaı týǵyzdy. Sonyń saldarynan men toqtaýǵa májbúr boldym. Ol kóligime jaqyndap kelip, esikti ashýymdy talap etti. Qoqan-loqqy kórsetip, beıádep sózderin aıtty. Men esikterdi jaýyp aldym. Ol kóp oılanbastan júrgizýshi jaqtaǵy áınekti bir uryp, syndyrdy", - deıdi áıel.
Áıeldiń janynda qurbysy da bolǵan. Ol erli-zaıyptylardyń arasyndaǵy jandaldy beınege túsirgen. Bul týraly kelinshektiń ózi baıandady.
"Polıııa qyzmetkerleri meniń jaǵdaıymdy kóre tura, asyqpaı, shamamen 10 mınýttan keıin ǵana qońyraý shaldy. Onymen sypaıy túrde sóılesti. Ol meni tipti polıııa tursa da qorqytýdan jasqanbady. Qurbym jaǵdaıǵa aralasyp edi "jeke otbasylyq ómirge aralaspaýyn jáne arandatýshylyq týdyrmaýyn" surady. Al maǵan ornymnan turyp, kólikterine baryp, aryz jazýym kerek dedi. Men stress pen sýyqtan dirildeı bastadym, búkil denem qurysyp qaldy. Bul qorqynyshty tús sekildi. Jedel járdem kelgende ǵana esim jıylǵandaı boldy”, - dedi ol.
Áıel adam keıinirek aýrýhanaǵa kelgen polıeılerdiń qorǵaý nusqamasynyń bar ekenin bilmeıtinderin málimdepti.
