Eýropada 8-9 mamyrda atap ótilgen Ekinshi dúnıejúzilik soǵystyń aıaqtalýyna baılanysty Berlın polıııasy qaladaǵy jáne onyń mańyndaǵy aýdandardaǵy keńestik eskertkishterdiń janynda reseılik rámizderge tyıym saldy, dep habarlaıdy “Adyrna” ulttyq portaly Deutsche Welle saıtyna siltep.
Onda Reseı týlary, georgıı lentalary, formalar, ordender, áskerı jáne marsh ánderi, sondaı-aq Reseıdiń Ýkraınaǵa qarsy soǵysyn dáripteıtin rámizder, sonyń ishinde Z sımvolyna tyıym salyndy. Bul týraly sársenbi, mamyrdyń 7-si kúni keshke shyqqan polıııa buıryǵynda aıtylǵan.
Shekteýler tek Ekinshi dúnıejúzilik soǵys ardagerlerine, dıplomattarǵa jáne basqa da úkimet ókilderine qoıyldy. Sondaı-aq, tyıymdar eskertkishter men irgeles aýmaqtardyń syrtyndaǵy mıtıngilerge de qoldanylmaıdy. Munda jınalystar týraly zańnyń ádettegi erejeleri qoldanylady.
Al Reseı elshiligi bolsa jalaýlarǵa salynǵan tyıymdy alyp tastaýǵa shaqyrdy.
«Biz bul tyıymdy soǵystan keıingi kezeńdegi Reseı men Germanııa halyqtary arasyndaǵy tarıhı kelisim rýhyna qaıshy keletin kemsitýshilik dep sanaımyz», - delingen elshiliktiń málimdemesinde.
