Elimizde 17 mamyrdan bastap benzın men dızel shekti mólsherde satylady. Bul kún prezıdent Qasym-Jomart Toqaevtyń týǵan kúnimen tuspa-tus kelip otyr, dep habarlaıdy «Adyrna» tilshisi kolesa.kz-ke silteme jasap.
AI-92 markaly benzın men dızel byltyr kóktemde Úkimet belgilegen baǵaǵa satyla beredi. Alaıda qazaqstandyqtar jeńil kólikke táýligine — 100 lıtr, avtobýs pen júk kóligine 300 lıtr ǵana janarmaı quıa alady.
Al sheteldik júrgizýshiler úshin benzın qymbattap, dızel, kerisinshe, 450 teńgeden 315 teńgege arzandaıdy.
«Baǵany memlekettik retteý belgilengen janarmaı quıý beketterinde munaı ónimderin bólshek satýdyń shekti baǵasyn belgileý týraly» buıryqqa ózgeris engizý qujatyna QR Energetıka mınıstri Almasadam Sátqalıev qol qoıdy. Qujat 2024 jyly 6 mamyrda jarııalandy, on kúnnen keıin kúshine enedi.
17 mamyrdan bastap eldegi barlyq janarmaı quıý beketinde otyn quny mynadaı bolady:
AI-80 benzıni — lıtri 89 teńge.
AI-92 jáne AI-93 — lıtri 245 teńge.
Qazaqstanda berilgen júrgizýshi kýáligi bolsa, táýligine 100 lıtrge deıin — lıtri 205 teńge. Qazaqstanda berilgen júrgizýshi kýáligi men kólik quralyn tirkeý kýáligi bolsa, motoıkl, jeńil avtomobıl, júk kóligi, arnaıy avtomobıl jáne avtobýsqa táýligine 300 lıtrge deıin — lıtri 205 teńge.
Dızel (jazǵy, maýsymaralyq) — lıtri 315 teńge. Qazaqstanda berilgen júrgizýshi kýáligi bolsa, táýligine 100 lıtrge deıin — lıtrine 295 teńge. Qazaqstanda berilgen júrgizýshi kýáligi men kólik quralyn tirkeý kýáligi bolsa, júk kóligi, arnaıy avtomobıl jáne avtobýsqa táýligine 300 lıtrge deıin — lıtri 295 teńge.
Qazaqstan bıligi lımıt belgileý arqyly otynnyń Reseıge janarmaı bagy arqyly aǵylýyn tejeýge tyrysyp otyr.
Eske salaıyq, buǵan deıin Qazaqstan úkimeti qajet bolǵan jaǵdaıda Reseıge janar-jaǵarmaı jetkizetinin málimdegen edi.
«Úkimet deńgeıinde qajet bolǵan jaǵdaıda reseılik tarappen janar-jaǵarmaı jetkizý týraly kelisimder bar ekeni aıtyldy», - dep jazdy Premer-mınıstrdiń baspasóz qyzmeti.
