Pavlodar oblysynda keme kapıtany sýǵa batyp ketti. Bul týraly Pavlodar oblysynyń tótenshe jaǵdaılar departamenti málimdedi, dep habarlaıdy “Adyrna” ulttyq portaly.
«8 mamyr kúni saǵat 23:25-te «102» nómirine daǵdarysty joıý bólimine Aqqýly aýdany, Shabar aýylynyń mańynda Ertiste keme kapıtany sýǵa batyp ketti degen habar kelip tústi. 9 mamyrda oqıǵa ornyna tórt súńgýir men jańǵyrtqyshy bar sý kemesi jiberildi», - dep habarlady beısenbi kúni Pavlodar oblysynyń tótenshe jaǵdaılar departamenti.
Basqarma bir kúndik jumys nátıjeni ózgertpegenin aıtty. Izdestirý jumystary sý deńgeıiniń joǵary bolýymen, jeldiń kúsheıýimen jáne aǵystarmen qıyndaýda.
Keme «Qazaqstan sý-joldary» memlekettik kásipornyna tıesili ekeni belgili. Er adam palýbadan ózenge qulap, sýǵa batyp ketken degen boljam bar. Tótenshe jaǵdaılar departamenti er adamnyń sol kezde kezekshilikte bolǵan-bolmaǵanyn naqtylamady.
Súńgýirler izdestirý-qutqarý jumystaryn erteń qaıta bastaıdy.
Eske salaıyq, bıyl 4 qańtarda 3 qutqarýshy jáne 1 júrgizýshisi bar avtobýs opyrylǵan shuńqyrǵa túsip ketken bolatyn. Onyń tereńdigi – 200 metr, eni – 500 metr. Sol kúni 2 qutqarýshynyń denesi tabylǵan. Alaıda avtobýstaǵy 1 qutqarýshy men 1 júrgizýshiniń denesi áli kúnge deıin tabylmady.
