Reseı prezıdentiniń kómekshisi Iýrıı Ýshakov Máskeýdegi sherýge qaı prezıdentterdiń baratynyn málimdedi, dep habarlaıdy "Adyrna" ulttyq portaly.
9 mamyrda ótetin Máskeýdegi sharaǵa Ortalyq Azııadaǵy 3 eldiń prezıdenti barady.
Jeńis sherýine Qazaqstan, Qyrǵyzstan, Belarýs, Kýba, Gvıneıa-Bısaý jáne basqa da elderdiń prezıdentteri qatysady. Odan bólek, sharaǵa UQShU, TMD, EAEO, ShYU atqarýshy organdarynyń basshylary, áskerı attasheleri men dıplomatııalyq ókildikterdiń basshylary shaqyrylǵan.
"9 mamyrda Uly Otan soǵysyndaǵy jeńistiń 79 jyldyǵyna arnalǵan áskerı paradqa Qazaqstan, Belarýs, Qyrǵyzstan, Tájikstan, Túrkimenstan basshylary jáne basqa da sheteldik jetekshiler tóbe kórsetedi. Paradqa Kýba prezıdenti Mıgel Dıas, Kanel Bermýdez, Laos prezıdenti Tonglýn Sısýlıt jáne Gvıneıa-Bısaý respýblıkasynyń prezıdenti Sısoký Embalo shaqyryldy", –dedi Iýrıı Ýshakov.
Sharadan keıin el basshylary Aleksandr baǵyndaǵy "Belgisiz soldat" basyna baryp gúl shoqtaryn qoıý rásimine qatysady. Sodan keıin Kremlde Vladımır Pýtınniń atynan delegaııa basshylaryna arnalǵan qabyldaý ótedi.
Qazaqstannyń Reseıdegi elshisi Dáýren Abaev TASS agenttigine bergen suhbatynda prezıdent Qasym-Jomart Toqaevtyń 8-9 mamyrda Máskeýge saparyn josparlap otyrǵanyn habarlaǵan edi.
Aıta keteıik, ótken jyly Memleket basshysy Qasym-Jomart Toqaev Máskeýdegi Qyzyl alańda ótken áskerı paradqa qatysqan bolatyn.
