Burynǵy ishki ister mınıstri Erlan Turǵymbaev eki aıǵa qamaldy. Bul týraly Bas prokýratýra málimdedi, dep habarlaıdy “Adyrna” ulttyq portaly.
“Astana qalasynyń mamandandyrylǵan tergeý soty 2024 jyldyń 30 sáýirinde burynǵy Ishki ister mınıstri Turǵymbaevqa qatysty eki aı merzimge «kúzetpen ustaý» túrindegi bultartpaý sharasyn sankııalady”,– delingen aqparatta.
Bas prokýratýra 2022 jylǵy Qańtar oqıǵasyna baılanysty qylmystyq isterdi tergeýdi jalǵastyryp jatyr.
“2024 jyldyń 29 sáýirinde aýyr zardaptarǵa ákep soqqan bılik pen laýazymdyq ókilettikterdi asyra paıdalanǵany úshin (QK-niń 362-baby 4-bóligi) Qazaqstan Respýblıkasynyń Qylmystyq is júrgizý kodeksiniń 128-baby tártibinde ishki ister eks-mınıstri Erlan Turǵymbaev ustaldy”, – delingen Bas prokýratýra taratqan aqparatta.
Aıta keteıik, Erlan Turǵymbaev 2019-2022 jyldary ishki ister mınıstrligin basqardy. Sodan keıin Qazaqstan prezıdentiniń keńesshisi boldy. Ol bul qyzmetten jarty jyldan keıin bosatyldy.
