بۇرىنعى ىشكى ىستەر ءمينيسترى ەرلان تۇرعىمباەۆ ەكى ايعا قامالدى. بۇل تۋرالى باس پروكۋراتۋرا مالىمدەدى، دەپ حابارلايدى “ادىرنا” ۇلتتىق پورتالى.
“استانا قالاسىنىڭ مامانداندىرىلعان تەرگەۋ سوتى 2024 جىلدىڭ 30 ساۋىرىندە بۇرىنعى ىشكى ىستەر ءمينيسترى تۇرعىمباەۆقا قاتىستى ەكى اي مەرزىمگە «كۇزەتپەن ۇستاۋ» تۇرىندەگى بۇلتارتپاۋ شاراسىن سانكتسيالادى”،– دەلىنگەن اقپاراتتا.
باس پروكۋراتۋرا 2022 جىلعى قاڭتار وقيعاسىنا بايلانىستى قىلمىستىق ىستەردى تەرگەۋدى جالعاستىرىپ جاتىر.
“2024 جىلدىڭ 29 ساۋىرىندە اۋىر زارداپتارعا اكەپ سوققان بيلىك پەن لاۋازىمدىق وكىلەتتىكتەردى اسىرا پايدالانعانى ءۇشىن (قك-ءنىڭ 362-بابى 4-بولىگى) قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىنىڭ 128-بابى تارتىبىندە ىشكى ىستەر ەكس-ءمينيسترى ەرلان تۇرعىمباەۆ ۇستالدى”، – دەلىنگەن باس پروكۋراتۋرا تاراتقان اقپاراتتا.
ايتا كەتەيىك، ەرلان تۇرعىمباەۆ 2019-2022 جىلدارى ىشكى ىستەر مينيسترلىگىن باسقاردى. سودان كەيىن قازاقستان پرەزيدەنتىنىڭ كەڭەسشىسى بولدى. ول بۇل قىزمەتتەن جارتى جىلدان كەيىن بوساتىلدى.
