1 mamyr – Qazaqstan halqynyń birligi kúni Qostanaı qalasynda qaıyrymdylyq akııasynan bastaý aldy. Oblys aýmaǵyn meken etken túrli etnos ókilderi atalmysh akııaǵa belsene at salysty.
– Táýelsiz Qazaqstannyń eń bastysy qundylyǵy – ol birlik. Bizdiń birligimiz qıyndyqtardy birge jeńe alatynymyzdy, beıbitshilik pen kelisimde ómir súre alatynymyzdy dáleldeıdi, - deıdi «Qoǵamdyq kelisim» mekemesiniń basshysy Natalıa Ramazanova. – Búgin etnomádenı birlestik ókilderi «Jızn na ladonı» jobasynyń qatysýshysy Savelıı Grıgorevke qoldaý kórsetý úshin qaıyrymdylyq jármeńkesin ótkizip jatyr. Barshańyzdy Qostanaı oblysy Qazaqstan halqy assambleıasy atynan birlik kúnimen quttyqtaı otyra, osy ıgi is-sharadan qalys qalmaýǵa shaqyramyn.
Merekelik is-shara turli ult ókilderiniń ásem án-kúıi men áserli bıi tárizdi dúbirli dýmanmen bastalyp, jármeńkemen jalǵasyn tapty. Etnomádenı birlestikterdiń qazaqtyń darhan dalasyndaı etip jaıǵan dastarhanyna qyzyqqan halyqtyń qarasy qalyń. Ulttyq taǵamdar jármeńkesinen jınalǵan qarajat erebraldy sal aýrýyna shaldyqqan Savelıı Grıgorevtiń emine jumsalatyn bolady.
Jármeńkeden bólek, mereke qonaqtarynyń nazaryn aýdarǵan baǵdarlama ulttyq stıldegi shoperler tigý sheberhanasy boldy. Belsendi qozǵalysty qalaıtyndar úshin halyq bıleri boıynsha sheberlik synyby uıymdastyrylyp, ulttyq oıyndar jarysyna qatysý usynyldy. Al kishkentaı kórermenderdiń kóńilin túrli tústi akvakrımmen aýlady. Sondaı-aq, keshtiń kórkin qalanyń úzdik shyǵarmashylyq ujymdary men jaıdarman oıyndary kirgizdi.
Bir kisideı jumyla qatysqan is-sharanyń arqasynda 11 jasar Savelııdiń emine jarty mıllıondaı qarajat jınaldy. Balanyń ata-anasy uıymdastyrýshylar men barlyq qamqor adamdarǵa zor alǵysyn bildirdi.
