Ýkraına astanasy Kıev qalasynda Pereıaslav Radasynyń qurmetine ornatylǵan eskertkishti buzý jumystary bastaldy. Mańyzdy tarıhı oqıǵalarǵa arnalǵan memorıal Kıevte Halyqtar dostyǵy arkasynyń astynda ornatylǵan. Bul týraly EADaily agenttigi jarııalady, dep habarlaıdy “Adyrna” ulttyq portaly.
Aıta keteıik, Pereıaslavskaıa Rada - 1654 jyly Zaporoje armııasynyń ókili jáne orys patshasy Alekseı Mıhaılovıchti basshylyqqa saılaǵan kazaktar qatysqan jınalys. Getman Bogdan Hmelnıkıı Radaǵa bastamashy bolady, osylaısha armııanyń baqylaýyndaǵy aýmaqty Reseı patshalyǵymen biriktiredi.
«Bólshekteý birneshe kúnge sozylýy múmkin, óıtkeni qurylym óte aýqymdy. Onyń salmaǵy shamamen, 6-7 myń kg bolatyn 20-ǵa jýyq elementten turady»,- dep habarlaıdy Kıev ákimshiliginiń telegram-kanaly.
Keıin bólshektelgen eskertkish Ýkraınanyń Antonov atyndaǵy avıaııa murajaıyna jiberilmek.
