Reseı prezıdenti Vladımır Pýtınniń Ózbekstanǵa jasaǵan memlekettik sapary aıasynda 27 qujatqa qol qoıyldy. Bul týraly Kazinform agenttiginiń Tashkenttegi menshikti tilshisi jarııalady, dep habarlaıdy “Adyrna” ulttyq portaly.
Ózbekstan basshysynyń baspasóz qyzmetinen málimdegendeı, eki el basshylary áýeli shaǵyn quramda kezdesip, kún tártibindegi máselelerdi talqylady. Onyń barysynda memleketter arasyndaǵy joǵary saýda-ekonomıkalyq yntymaqtastyq jaıy sóz boldy.
Atap aıtqanda, Ózbekstanda reseılik ınvestıııanyń kólemi artyp, ónerkásiptik kooperaııa damyp keledi. Onyń nátıjesinde birlesken jobalar portfeli 45 mlrd dollarǵa jetti. Osy oraıda Reseı men Ózbekstan prezıdentteri jetekshi kásiporyndardyń jobalaryn qoldaý úshin birlesken ınvestıııalyq platformany iske qosýǵa ýaǵdalasty.
Sonymen qatar, Vladımır Pýtın men Shavkat Mırzııoev shaǵyn quramdaǵy kezdesýde bilim berý jáne ınjenerlik baǵyttaǵy kadrlardy daıarlaý isine erekshe toqtaldy.
Sapar aıasynda Ózbekstanda Baýman atyndaǵy Máskeý tehnıkalyq ýnıversıtetiniń jáne Búkilreseılik syrtqy saýda akademııasynyń fılıaldaryn ashý týraly kelisimderge qol qoıyldy. Keıin kelissózder keńeıtilgen quramda ótti. Onda taraptar parlament, úkimet, mınıstrlikter men jaýapty vedomstvolar deńgeıinde qarqyndy baılanystardy jalǵastyrýǵa ýaǵdalasty.
«Sizdiń memlekettik saparyńyzdy tarıhı mańyzǵa ıe dep aıtýǵa bolady. Bul bizdiń elderimiz arasyndaǵy jan-jaqty strategııalyq áriptestik pen odaqtastyq qatynastardyń jańa kezeńi bastalǵanyn aıǵaqtaıdy», - dedi Shavkat Mırzııoev.
Odan bólek, qos eldiń basshylary ózara taýar aınalymynyń keıingi 7 jylda 2,5 ese óskenin atap ótti. Taraptar aldaǵy ýaqytta onyń kólemin 30 mlrd dollarǵa deıin arttyrýǵa nıetti.
Joǵary deńgeıde talqylanǵan salalardyń biri – energetıka. Ózbekstan men Reseı gaz tasymaldaý júıesin jańǵyrtý, kógildir otyn men munaı ónimderin jetkizý kólemin ulǵaıtý jónindegi jobalardy qolǵa alýǵa kelisti. Buǵan qosa, sapar barysynda Reseıdiń qatysýymen Ózbekstanda az qýatty atom elektr stanııasyn salý boıynsha kelisimge qol qoıylmaq.
Joǵaryda atalǵandarmen qatar, metrologııa salasynda Ózbekstanǵa tehnıkalyq kómek kórsetý, birlesken kıno óndirisi, halyqtyń sanıtarııalyq-epıdemıologııalyq salaýattylyǵyn qamtamasyz etý salasyndaǵy yntymaqtastyq kelisimderine qol qoıyldy. Kelissóz qorytyndysy boıynsha Vladımır Pýtın men Shavkat Mırzııoev óz úkimetterine kelisilgen ár baǵyt boıynsha «Jol kartasyn» qabyldaýdy tapsyrdy.
Eske salaıyq, keshe Reseı prezıdenti Vladımır Pýtın memlekettik saparmen Ózbekstanǵa kelgen. Ony áýejaıdan Shavkat Mırzııoev kútip aldy.
