Úkimet Kentaý, Rıdder jáne Qyzylordadaǵy jylý kózderin jańǵyrtýǵa 16 mlrd teńge bólgen, dep habarlaıdy "Adyrna" ulttyq portaly BAQ.KZ-ke siltep.
Qazaqstan Úkimeti Prezıdent tapsyrmasymen elimizdiń jylý elektr keshenin aýqymdy jańǵyrtý boıynsha bıyl rezervten qomaqty qarjy bólgen.
Premer-mınıstr Oljas Bektenovtyń qol qoıýymen Kentaýdaǵy JEO-5-tiń № 7, 8, 9, 10, 11 jáne 12 qazandyqtaryn rekonstrýkııalaýǵa 9 mlrd teńgeden astam, Rıdder jylý elektr ortalyǵynyń tehnologııalyq jabdyqtary men ınfraqurylymyna kúrdeli jóndeý júrgizýge – 4,9 mlrd teńge, al Qyzylordadaǵy ońtústik qazandyqtyń úsh bý qazandyǵyn rekonstrýkııalaýǵa – 2 mlrd teńgeden sál astam qarajat bólindi. Osylaısha, atalǵan jylý kózderin jańǵyrtýǵa jalpy somasy shamamen 16 mlrd teńge baǵyttaldy.
Qabyldanyp jatqan sharalar aldymyzdaǵy jylytý maýsymynda Kentaý, Rıdder jáne Qyzylorda turǵyndaryn jylýmen turaqty qamtamasyz etýge múmkindik beretini aıtyldy.
