Shyǵys Qazaqstanda qasqyrlar jeke úılerge shabýyldap jatyr, dep habarlaıdy "Adyrna" tilshisi.
Oqıǵa Altaı aýdanyna qarasty Bykovo aýylynda bolǵan. Jergilikti ákimdik bul jaǵdaıdyń 28 sáýirde bolǵanyn aıtady. Túz taǵysy esigi ashyq turǵan úıge shabýyl jasaǵan.
"Úı ıesi ony qýyp shyǵýǵa árekettengen. Alaıda qasqyr úı aýmaǵynda jumys istep júrgen adamdy tistep, keıinirek aýyl turǵyndarynyń eki ıtin óltirip, qashyp ketken. Bykovo aýylynyń turǵyndary óz betinshe jınalyp, qasqyrdyń izine túsip, kózin joıdy", - deıdi Altaı aýdanynyń ákimdigi.
Qazir mektepke shalǵaıdan keletin 10 oqýshy qasqyrdan tóngen qaýipke baılanysty qashyqtan oqý formatyna kóshken. Al qalǵan balalar mektep qabyrǵasynda oqyp jatqany anyqtaldy.
