Qaraǵandyda eki qabatty ǵımarattyń jertólesinde órt shyqty, dep habarlaıdy "Adyrna" tilshisi TJM-ǵa siltep.
Oqıǵa Qazybek bı aýdanynda bolǵan. Tótenshelikter ǵımarattyń jertólesindegi aǵash qaptama janyp ketkenin aıtady.
TJD kúshimen ǵımarattyń 2-shi qabatynyń balkonynan 5 adam qutqarylǵan.
Qzair ǵımarattaǵy órt tolyǵymen sóndirildi. Qyzyl jalyndy aýyzdyqtaýǵa jeke quramnyń 30 adamy jáne 7 tehnıka jumyldyryldy.
Apattan zardap shekkender joq.
Al órttiń aldyn ala shyǵý sebebi - elektr symdarynyń qysqa tuıyqtalýy bolýy múmkin.