Қарағандыда екі қабатты ғимараттың жертөлесінде өрт шықты, деп хабарлайды "Адырна" тілшісі ТЖМ-ға сілтеп.
Оқиға Қазыбек би ауданында болған. Төтеншеліктер ғимараттың жертөлесіндегі ағаш қаптама жанып кеткенін айтады.
ТЖД күшімен ғимараттың 2-ші қабатының балконынан 5 адам құтқарылған.
Қзаір ғимараттағы өрт толығымен сөндірілді. Қызыл жалынды ауыздықтауға жеке құрамның 30 адамы және 7 техника жұмылдырылды.
Апаттан зардап шеккендер жоқ.
Ал өрттің алдын ала шығу себебі - электр сымдарының қысқа тұйықталуы болуы мүмкін.
