Taılandta eki qazaqstandyq qyz quldyqtan qutqaryldy. Bul týraly QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy "Adyrna" ulttyq portaly.
Astanada ótken brıfıngte ol istiń mán-jaıyn baıandady. Anyqtalǵandaı, qyzdar jasyryn baılanys ortalyǵyndaǵy bos jumys ornyna aldanyp qalǵan. Olar birneshe til biletindikten jumysqa almaq bolǵan-mys. Biraq barǵanda qyzdardy quldyqqa salǵan. 10 myń dollardaı qarajat talap etken.
«Osy jyly qańtardyń sońynda Taılandtaǵy konsýldyqtyń WhatsApp nómirine habarlama keldi. Onda "Men Qazaqstan azamatymyn. Qaı memleket ekenin bilmeımin, djýnglıdiń ishinde quldyqqa túsip qaldym, kómektesińizder" dep jazylǵan. Dereý anyqtaı bastadyq. Sóıtsek bizdiń eki azakmatshamyz quldyqqa túsip qalǵan. Eń qyzyǵy ekeýiniń de joǵary bilimi bar, birneshe til biledi. Internetten habarlamany kórip, aldanyp qalǵan. Ár adam basyna 10 myń dollardan aqsha suraǵan. Jergilikti bılikpen jumys istep, bir aıda eki azamatsha qutqaryldy. Qazirgi tańda olar elge kele jatyr", - deıdi SIM ókili Aıbek Smadııarov.
Aıtýynsha, qyzdardy quldyqta ustaǵandarǵa birde-bir teńge berilmeı qutqarylǵan.
