Astanada bazar órtendi, dep habarlaıdy “Adyrna” ulttyq portalv Tótenshe jaǵdaılar mınıstrliginiń baspasóz qyzmetine siltep.
«Astanada saǵat 3.42-de «Sharyn» bazarynyń aýmaǵyndaǵy jeke angarda jıhazdar men turmystyq zattar órtendi. Elordalyq órt sóndirýshiler birden órtti sóndirýge kiristi. Aldyn ala aýdany 30 sh.m. Tańǵy saǵat 5.5-te órt tolyǵymen sóndirildi», - delingen sársenbi kúni taraǵan habarlamada.
Órtti sóndirýge tótenshe jaǵdaı qyzmetiniń 10 adamy men eki tehnıka jumyldyryldy.
«Órttiń shyǵý sebebi anyqtalýda», - dep qosty Tótenshe jaǵdaılar mınıstrligi.