Almaty oblysynda jańa Alataý qalasy qurylady. Bul týraly Ashyq NQA portalyndaǵy prezıdent jarlyǵynyń jobasynan belgili boldy, dep habarlaıdy “Adyrna” ulttyq portaly.
"Qazaqstan Respýblıkasynyń 1993 jylǵy 8 jeltoqsandaǵy "Qazaqstan Respýblıkasynyń ákimshilik-aýmaqtyq qurylysy týraly" Zańynyń 9-babyna sáıkes Almaty oblysy Ile aýdanyndaǵy Jetigen aýyly oblystyq mańyzy bar qala qataryna jatqyzylsyn", - delingen Premer-Mınıstr Álıhan Smaıylovtyń qaýly jobasynda.
Qalaǵa Alataý ataýy berilmek.
Úkimet "Almaty oblysynyń ákimshilik-aýmaqtyq qurylymyna ózgerister engizý týraly" Prezıdent Jarlyǵynyń jobasyn prezıdent Qasym-Jomart Toqaevtyń qaraýyna usynbaq.
Jetigen – Almaty oblysy Ile aýdanyndaǵy aýyl, Jetigen aýyldyq okrýginiń ortalyǵy ári temir jol stanııasy.
"Ashyq zańdy tulǵalar" saıtyndaǵy talqylaý 29 qarashaǵa deıin jalǵasady.
