Qazaqstandyq BAQ-qa şabuyl ūiymdastyryp, sotta esı dūrys emes dep tanylǧan oligarh Aleksandr Klebanovtyŋ tuysy Arkadii Klebanov kädımgı psihiatriialyq auruhanada bolady, dep habarlaidy «Adyrna» ūlttyq portaly QazTAG-qa sılteme jasap.
«Almaty qalasynyŋ kämeletke tolmaǧandardyŋ ısterı jönındegı mamandandyrylǧan audanaralyq sotynyŋ 1 qaraşadaǧy şeşımımen Klebanovqa jalpy psihiatriialyq stasionarda mäjbürlep emdeu türındegı medisinalyq sipattaǧy emdeu şaralary qoldanyldy. Qazaqstan Respublikasy Qylmystyq kodeksınıŋ 95-babynyŋ 2-bölıgıne säikes, psihikalyq jai-küiıne jäne qoǧamǧa qauıptı ıs-äreket jasau sipatyna bailanysty stasionarlyq emdeludı qajet etetın adamǧa jalpy psihiatriialyq stasionarda mäjbürlı emdeu jäne baqylau şaralary taǧaiyndaluy mümkın, bıraq qarqyndy baqylaudy qajet etpeidı», - dep jauap berdı Bas prokuratura QazTAG redaksiiasynyŋ saualyna.Esterıŋızge sala keteiık, 4 nauryz künı Işkı ıster ministrlıgı Klebanovtyŋ qamauǧa alynǧanyn jariialaǧan bolatyn. Şabuyldy ūiymdastyruşylar bırqatar basylymdardyŋ redaksiiasyn örtep, Ulysmedia saitynyŋ bas redaktory Samal İbraevaǧa qoqan-loqqy körsetuge daiyndalyp jatqan. Onyŋ aituynşa, jalpy josparlanǧan şaralardyŋ keibırı būrmalanǧan jäne sadistık sipatta bolǧan.
«Adyrna» ūlttyq portaly
Ūqsas jaŋalyqtar
