Mońǵolııada 11 shildeden bastalatyn dástúrli «Naadam» merekesi toılanyp jatyr. Mońǵol halqynyń ulttyq merekesinde at jarysy, ulttyq kúres ótip, aıtýly kúnniń sadaq atý syndy saıystarmen kórki qyzady. Merekege oraı uıymdastyrylǵan at jarysynda atbegi Sapar Baıynulynyń tórt birden sáıgúligi oza shapty, dep habarlaıdy "Adyrna" ulttyq portaly jergilikti «Janadauir.com»-ge cilteme kórsete otyryp.
Mońǵolııadaǵy Ýlaanhýs ólkesiniń týmasy, beldi kásipker, atbegi Sapar Baıynulynyń baptaǵan sáıgúlikteri júldeli boldy. Bapker osy jolǵy toıǵa taı jarysynan bastap aıǵyr jarysyna deıin 7 at qosqan. Onyń 2 aty birinshi kelgen.
Anyǵyraq aıtqanda jýan at jáne qunan jarysynan birinshi, taı jáne besti at jarysynan úshinshi bolyp kómbege jetken, dep habarlaıdy mońǵolııalyq «Janadauir.com».
Báıgege qosylǵan attarynyń ishinen 4 aty júldeger atanǵan.
Atbegi Sapardyń aıtýynsha, ol at baptaýdyń qyr-syryn kishkeneden jetik meńgergen. Ózi bala kúninen asaý úıretip, júırik mingen qyr balasy ekendigin aıtty. At bapkeri qys boıy 24 jylqyny qolǵa ustap, olardy alamanǵa daıyndaıtynyn habarlady.
Atbegi Sapar Baıynulynyń bolashaqtaǵy maqsaty – jylqy tuqymyn asyldandyrý.
"Adyrna" ulttyq portaly
