“Azovstaldı” qorǧauda tūtqynǧa tüsken äskeri qyzmetkerler Ukrainaǧa oraldy, dep habarlaidy “Adyrna”.
Ukraina prezidentı Vladimir Zelenskii telegram-paraqşasynda Resei Mariupoldı basyp alǧanda tūtqynǧa tüsuge mäjbür bolǧan bes äskeri qyzmetkerdıŋ Ukrainaǧa oralǧany turaly mälımdeme jasady. Olardy äuejaidan kütıp alyp, bırge tüsken foto-videosyn da jariialaǧan. “Bız batyrlarymyzdy elge qaitaryp jatyrmyz” degen ol.
Alaida Resei prezidentınıŋ baspasöz hatşysy Dmitrii Peskov komandirlerdıŋ elge oraluyna qatysty pıkır bıldırdı. Ol Azovstaldan Ukrainaǧa oralǧandardyŋ äreketın Mäskeu, Kiev jäne Ankara arasyndaǧy «kelısımnıŋ būzyluy» dep atady.
Hatşynyŋ sözınşe, «Azovstal» komandirlerınıŋ Ukrainaǧa oralǧany turaly reseilık tarapqa eşteŋe
habarlanbaǧan. Nätijesınde ekı tarap ta şartty būzǧany aityldy:
«Qaitaru şarttaryn türık tarapy da, Kiev te būzdy. Kelısımderge säikes, Azov jetekşılerı qaqtyǧys aiaqtalǧanşa Türkiiada qaluy kerek edı », - dedı Peskov RİA Novosti agenttıgıne bergen sūhbatynda.
Sondai-aq, senbı künı Ukraina basşysy Vladimir Zelenskii özınıŋ Telegram-arnasynda Azovstaldı qorǧaǧan äskerilermen bırge Türkiiadan oralatyny turaly jazǧan edı.
Soǧys soŋyna deiın tūtqyndaǧy azamattar Türkiiada qauıpsız jerde boluy tiıs edı. Alaida memleket basşylarynyŋ özara kelısımımen merzımnen būryn “Azov” komandirlerın elge qaitaru mümkın bolǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz