Bügın Ortalyq kommunikasiialar qyzmetınde Astana qalasy äkımı Jeŋıs Qasymbektıŋ qatysuymen baspasöz konferensiiasy öttı. Äkımge Astanaǧa köşıp keluşı halyqtyŋ qarasy jäne Taldyköl mäselesın sūraq retınde qoidyq. Bas şahardyŋ basşysy sūraqqa baiypty jauap berdı.
Jeŋıs Mahmūtūly halyqqa esep bergen kezdesude belgılı aqyn Nesıpbek Aitūly «Astana sozyla beretın rezeŋke emes qoi endı. Sondyqtan, bolaşaqta astanaǧa keluşılerdı şekteu kerek» degen bolatyn. Astana äkımı aqynnyŋ pıkırıne qalai qaraidy?
«Bız unitarly memleketpız. Qazaqstannyŋ halqy elordaǧa köşıp kelse, oǧan eşqandai şekteu joq. Bolmaidy da. Ekınşı bır mäsele bar. Sonşama adam köşıp kelıp jatyr. Ol azamattardy qabyldau üşın Astana sapaly injenerlık jäne äleumettık infraqūrylymdy daiyndau kerek. Dūrys qoi. Halyq kelıp jatyr, mektep jäne basqa da äleumettık nysandar jetıspei jatyr. Jylu men su mäselesı tolyǧymen şeşılgen joq. Osyndai mäselenı tezdetıp şeşu qajet. Jalpy urbanizasiia – älemdegı trend. Astanaǧa da, Almatyǧa da, Şymkentke de jäne basqa da ırı qalalarǧa halyq köşıp kele beredı. Bızdıŋ josparymyz boiynşa, 2030 jylǧa deiın qala halqynyŋ sany 2 mln jetedı. Sondyqtan bız soǧan daiyndalyp jatyrmyz», – dedı ol.
Astananyŋ eŋ basty mäselerınıŋ bırı Taldyköldıŋ jyry desek qatelespegen bolar edık. Taldyköldı saqtap qala alamyz ba jäne sol jerge ülken saiabaq salyna ma? Taldykölde ülken saiabaq salu mäselesı nazardan tys qalyp qalǧan joq pa? Jurnalistıŋ būl saualyn äkım «öte oryndy sūraq» dep aitty.
«Būl mäsele künde köterıledı. Belsendı azamattar men ekologtarmen
osy mäselenı aqyldasyp jüremız. Qazır kelesı şeşımge kelıp otyrmyz. Ülken Taldykölde 1990 jyldary 50 mln kub su bolatyn. 2000 jyldary 10 mln kub su bolsa, qazır onyŋ mölşerı 1 mln kubtan az. 2015 jyldan bastap kärız aryly Taldykölge baratyn sudy tazalap Esıl özenıne jıbergenbız. Endı ministrlıkpen kelısıp ol sudy Ülken Taldykölge beretın boldyq. Ekı apta boldy ol sudy sonda jıberıp jatyrmyz. Ülken Taldyköldıŋ kölemın bes ese köbeitemız. Oǧan 1,5-2 jyl kerek bolady. Kelesı jyldyŋ soŋyna deiın ony qalpyna keltıremız dep josparlap otyrmyz. Kışı Taldykölde bırneşe kışı kölder bolatyn. Bızdıŋ josparymyz boiynşa, 3, 7 jäne 9 uchastok boiynşa jūmystar atqaramyz jäne ol saqtalyp qalatyn bolady. Al sız aitqan saiabaq būrynǧy 5 uchastokta boluy kerek edı, bıraq onyŋ jobasy qazır daiyn emes. Daiyndalyp jatyr. Bıraq ony qalanyŋ tūrǧyndarymen aqyldasu kerek. Ol jerde tal öse me, öspei me degen mäsele bar. Sondyqtan ekologtarmen osy mäsele boiynşa kelıssöz ötkızıp jatyrmyz. Bıraq ol jerde jaŋa qūrylys bolmaidy. Salynǧan üide adamdar tūrady, olarǧa eşteŋe ıstei almaimyz», – dedı äkım.
Astananyŋ būrynǧy äkımı Altai Kölgınov Taldyköl suyn qūrǧatyp, üi saluǧa rūqsat berıp edı. Kölgınov qūrǧatqan köldı qazırgı äkım aidynǧa ainaldyrsam deidı. Alaida qalada su mäselesı jalǧyz Taldykölmen şektelıp qalmaitynyn tüsıngen şeneunık keşendı şaralarǧa da mūryndyq bolar edı.
Ūqsas jaŋalyqtar
Serık Joldasbekov
«Adyrna» ūlttyq portaly
