Almatydaǵy "Altynorda" bazaryna belgisiz bireýlerdiń shabýyldaǵany jaıly málimet tarady. Bul týraly jelide vıdeo paıda boldy, dep habarlaıdy “Adyrna” ulttyq portaly.
Kóbi betin búrkemelep, ústerine kamýflıaj tústi kıim kıgen ondaǵan adam bazardaǵy nysandardy syndyrǵan.
Ázirge bul týraly resmı málimet jarııalanmady. Áleýmettik jelide qoldanýshylar naqty málimettiń joǵyn aıtyp shaǵynyp jatyr.
Vıdeoda ózin baspasóz qyzmetiniń ókili dep tanystyrǵan áıel belgisiz bireýler ózin jańa kúzet dep tanystyryp, bazardy basyp alǵanyn aıtady.
Bul adamdardyń áreketi basyp alý dep baǵalanyp otyr. Eshqandaı túsiniksiz, eshteńe túsindirmeı basyp alǵan, - deıdi vıdeodaǵy áıel.
Altyn orda bazarynyń baspasóz qyzmeti ókilderi bul aqparatty rastady. Bul týraly Massaget.kz saıty jarııalady.
Bazarda túsiniksiz jaıttar bolyp jatyr. Basyp alǵan. Olar kúzetshilerdiń otyratyn jerin qıratyp tastady. Belgisiz kúzet qyzmeti tipti aýla sypyrýshylardyń keńsesin basyp alǵan, - deıdi bazar ókili.
