Kishkentaıynan kórý múmkindiginen aıyrylǵan Kinjeǵul Seıitjan búginde kópke úlgi. Óıtkeni, kózi kórmese de, kókiregi oıaý. Ómirge degen qulshynysynyń arqasynda sporttyń birneshe túrimen aınalysyp, olımpıada chempıony atanyp otyr. «Adyrna» ulttyq portalynyń tilshisi Kenjeǵul Seıtjanmen tildesip, ómirge qushtarlyǵynyń qupııasyn surap bildi.
Kenjeǵul Seıitjan – Qostanaı oblysy Amankeldi aýdanynda dúnıege kelgen. Otbasyndaǵy 20 balanyń kenjesi. 16 ápkesi men 3 aǵasy bar. Kishkentaıynan qos janarynan aıyrylǵanymen, eshqashan jigeri muqalmaǵan. Árdaıym alǵa umtylyp, joǵary nátıjeler kórsetýde. Mektepti de, joǵary oqý ornyn da qyzylǵa bitirip, qatarlarynyń aldy bolyp otyr.
«Mektepti 2003 jyly qyzyl atatestatpen bitirdim. 2007 jyly Qazaq Ulttyq Ýnıversıtetiniń tarıh fakýltetin qyzyl dıplommen bitirdim. Odan keıin Japonııada «Áleýmettik lıderler» baǵdarlamasynda jáne Amerıkada, Anglııada oqydym. Bilim alýdan jalyqpaımyn. Árdaıym jańa izdenisti qajet etip turamyn»,- deıdi ol.
Kenjeǵul sportty da qatar alyp, túrli saıystarǵa qatysyp júr. Ol qazir kásibı túrde 2 sport túrimen aınalysady. Birinshisi – golbol. Onymen 2016 jyldan beri shuǵyldanyp, 2020 jyly Qazaqstan ulttyq komandasynyń múshesi boldy. Sondaı-aq, golboldan Qazaqstannyń birneshe dúrkin chempıony.
«Ekinshi aınalysatyn sport túrim – paravelo sporty. Qazaqstannyń 2 dúrkin chempıonymyn. Resmı túrde 2022 jyldan bastap Qazaqstannyń osy paravelo sportynyń ulttyq komandasynyń múshesimin. Salaýatty ómir saltyn nasıhattaıtyn eki uıym qurǵanbyz. Ol Qazaqstan golbol federaııasy. Osy sport túrin damytý úshin qurǵanbyz. Sondaı-aq, ár túrli is-sharalar uıymdastyryp turamyz. Qazir de óz jumysyn jasap keledi. Osy eki federaııadan da, áleýmettik jaǵynan da, salaýattyq ómir jaǵynan da, barlyǵynan qolymnan kelgenshe aıanbaı qyzmet etýge tyrysamyn. Kózi kórmeıtin balalarǵa, jastarǵa aqparat berip, olardy sportqa tartyp, damytý maqsatym», - deıdi sportshy.
Velosport pen golboldan bólek, Kenjeǵul taýǵa órleýden Qazaqstannyń chempıony.
Ózge tildiń bárin bil, óz tilińdi qurmette!
Kenjeǵul – 8 qyrly. Sporttyń birneshe túrin úırenip qana qoımaı, birneshe tildi de meńgergen. Qazaq tilinen bólek, orys, aǵylshyn, nemis, japon, túrik tilderine jetik.
«Qazir birneshe tildi meńgerýge talpynyp júrmin. Óıtkeni, ár tildi úırengen saıyn, jańa adam bolyp qalyptasasyń. Buryn ıspan tili men franýz tilin biraz meńgergenmin. Qazir umytynqyrap qaldym. Al nemis tilin jaqsy túsinemin. Ony meńgerý úshin 9 jylym ketken. 2006 jyly Japonııadaǵy balalar romany saıysyna qatystym. Biraq jeńiske jete almaı qaldym. Sosyn kelesi joly mindetti túrde jeńiske jetemin dep aǵylshyn tilimen qatar, japon tilin úırenip bastadym. Japonııaǵa baryp kelgennen keıin, olardyń mádenıetin, qoǵamyn kórgennen keıin, sol jaqta birneshe trenıngterge qatysqannan keıin shabytym ashyla tústi. Sóıtip, tilderdi meńgerýge degen yntam da ashyldy», - deıdi polıglot Kenjeǵul.
Kenjeǵúldyń aıtýynsha, tildi meńgerý úshin qorqynyshty jeńý qajet.
«Tildi úırenemin degen adamdarǵa aıtarym eshqashan qoryqpaý kerek. Meniń qolymnan kelmeıdi» degen sózdi mıyńyzdan alyp tastańyz. Barlyǵynyń qolynan keledi. Til úırenýge degen ynta, jalyn, maqsat bolý qajet., Meniń 2006 jyly Japonııaǵa oqımyn degen maqsatym, sol eldiń tilin meńgertti. Osyndaı naqty maqsattar naqty nátıjege jeteleıdi», dep keńesin berdi.
«Men hostelder kásibimen aınalysqanmyn. Qazir toqtap tur. Óıtkeni, sporttan olımpıadalarǵa daıyndalamyn dep, kóńil bóle almaı qaldym. Alaıda aldaǵy ýaqytta qolǵa alamyn. Sebebi, ol meniń otbasymmen birigip bastaǵan bıznesim. Jubaıymyz ekeýmizdiń ol kásipke ájeptáýir eńbegimiz sińdi. Sondyqtan aıtarm, árdaıym, ózińizdi jan-jaqtan synap kórińiz. Adam talpynsa barlyǵyn jasaı alady», - deıdi Kenjeǵul.
Keıipkerimizdiń aıtýynsha, qazir múmkindigi shekteýli jandarǵa barlyq múmkindik jasalǵan. Tek ony paıdalana alý qajet.
«Elimizde múmkindigi shekteýli adamdarǵa barlyq jaǵdaı jasalǵan. Múmkindigim shekteýli eken dep qur qarap otyrýǵa bolmaıdy. Qazir sportty da, bilimdi de tegin alýǵa bolady. Arnaıy kózi kórmeıtinderge arnalǵan tehnologııalardy úkimet beredi. Áleýmettik kómek arqyly shıpajaıǵa da bara alady. Qazir 12 múshesi saý, biraq ózderin shekteıtin qanshama adamdy kóremiz. Olarǵa berilgen múmkindikti jaı ǵana ysyryp tastap júr. Aıtarym: áreket etińizder, árekettiń bir bereketi bolar sózsiz», dep jigerge toly sózderin aıtty.
Kenjeǵuldyń ár ýaqyty josparly. Ýaqytyn baǵalaıtyn keıipkerimiz tipti, aldaǵy 10 jyldyǵyn da josparlap qoıǵan.
«Qazir densaýlyǵydy kútip júrmyn. 6 aı saıyn dárigerlerge tekserilip turamyn. Sebebi, meniń denim saý bolsa, sportta jaqsy nátıjeler kórsetip, elimizdiń atyn álemge tanyta alamyn. Qolymnan kelgenshe ýaqytymdy eseptep, josparlaımyn. Aptasyna 4-5 aýdıokitap tyńdaımyn. Tilderdi umytyp qalmas úshin, ár tilde aýdıokitaptar tyńdaǵan yńǵaıly.
Men ózimdi 10-20 jyldan keıin úlken korporaııanyń ıesi retinde sezinemin. Qazir sońǵy 6 jylǵa qoıǵan maqsatym – paravelo sportynan álem chempıony, Azııa chempıony bolý. Sol úshin qazir aıanbaı eńbek etýdemin», - deıdi keıipkerimiz.
Foto: jubaıymen
40 jastaǵy Kenjeǵul qazir bir qyz, bir ul tárbıelep otyr. Otbasynyń tiregi bolǵan ol balalarynyń da ózinen úlgi alǵanyn qalaıdy. Sondyqtan árdaıym úlgili áke bolýǵa tyrysamyn deıdi.
«Maǵan ata-anam kishkentaıymnan: «ózińdi ǵana oılama, elińniń jaǵdaıyn oıla!» dep ósirdi. Sondyqtan múmkindigi shekteýli jandarǵa barlyǵyn úıretkim keledi. Keıbireýleri qoǵammen aralasa almaıdy. Tipti, kóp ashyla bermeıtindikten múmkindikterden aıyrylyp jatady. Sol sebepten bárine kómektesý úshin jumys istep júrmyin. Qajet jerde quqyǵyn qorǵap beremin. Olardyń jymıǵany men úshin qýanysh. Golboldan nemese basqa sport túrinen balalar kelip, «bizge sportpen aınalysqan unaıdy, jaǵdaı jasaǵanyńyz úshin rahmet» dese, ishimde jylý paıda bolady. Meniń jasap jatqan isim jaı emes ekenin kórgen kezde qanattanamyn. Balasha máz bolyp, ómirge qushtarlyǵym artyp ketedi», dep sózin qorytyndylady.
Dana Nurmuhanbet
«Adyrna» ulttyq portaly
