AQŞ memlekettık hatşysy Marko Rubio Vaşingtonnyŋ qazırgı uaqytta İranǧa soqqy bermeitının aitty. Būl turaly Axios jazdy, dep habarlaidy «Adyrna» tılşısı.
«Rubio keibır ärıptesıne qazırgı uaqytta Vaşingtonnyŋ İranǧa jaŋa soqqy jasamaitynyn aitty», – dedı ol.
Basylymnyŋ jazuynşa, qazır AQŞ äkımşılıgı Tegeranǧa qysym jasaudyŋ basqa ädısterıne, sonyŋ ışınde sanksiialarǧa basymdyq berıp otyr.
Būǧan deiın AQŞ İranǧa qarsy auqymdy sanksiialar engızgen bolatyn. Şekteuler şamamen 60 jeke tūlǧa, kompaniialar men kemelerdı, iadrolyq jäne zymyran tehnologiialaryn satyp alu jelılerın, sondai-aq mūnai satudan tabys tüsıretın jelılerdı qamtidy.
AQŞ pen İzrail 28 aqpanda İranǧa qarsy soǧys qimyldaryn bastaǧan edı. Būǧan jauap retınde Tegeran aimaqtaǧy amerikalyq nysandarǧa jappai soqqy bere bastady. 18 mausymǧa qaraǧan tünı AQŞ pen İran aimaqtaǧy, sonyŋ ışınde Livandaǧy äskeri qimyldardy toqtatudy közdeitın özara tüsınıstık turaly memorandumǧa qol qoidy.
Alaida būl älsız bıtım 8 şıldege deiın ǧana saqtaldy. Sol künı AQŞ Ormūz būǧazyn būǧattan şyǧaruǧa qatysty kelısımderdı Tegeran būzdy dep aiyptap, İranǧa soqqylaryn qaita bastady.
