Qazaqstan Ūlttyq paralimpiada komitetınıŋ prezidentı Qairat Boranbaev Halyqaralyq zaǧiptar sport federasiiasynyŋ (IBSA) atqaruşy keŋesınıŋ müşesı bolyp taǧaiyndaldy, dep habarlaidy "Adyrna" ūlttyq portaly.
Tiıstı şeşım 2026 jylǧy 3 tamyzda ötken IBSA Atqaruşy keŋesınıŋ otyrysynda qabyldanǧan. IBSA – köru qabıletı būzylǧan sportşylar arasynda sportty damytuǧa jäne olardyŋ halyqaralyq jarystarǧa qatysuyna jaǧdai jasauǧa baǧyttalǧan halyqaralyq ūiym. Federasiia qūramyna älemnıŋ 100-den astam elındegı ūlttyq sport ūiymdary kıredı.
Qazaqstan Ūlttyq paralimpiada komitetınıŋ mälımetınşe, Qairat Boranbaevtyŋ IBSA-nyŋ basqaruşy organyna müşe boluy Qazaqstannyŋ halyqaralyq paralimpiadalyq qozǧalystaǧy rölın küşeituge mümkındık beredı.
Sondai-aq būl taǧaiyndau halyqaralyq yntymaqtastyqty keŋeituge, köru qabıletı būzylǧan sportşylardy qoldauǧa baǧyttalǧan jobalardy damytuǧa jäne Qazaqstannyŋ älemdık parasport salasyndaǧy bastamalarǧa belsendı qatysuyna jol aşady.
