Qazaqstandyq jurnalist Amantai Dandyǧūlovqa halyqaralyq ızdeu jariialandy. Būl turaly mälımet qūqyqtyq statistika organdarynyŋ portalynda jariialandy, dep habarlaidy «Adyrna» tılşısı.
Is 2026 jyldyŋ 7 şıldesınde tırkelgen. Oǧan qatysty qylmystyq ıstı Almaty qalasy polisiia departamentı tergep jatyr.
IIM baspasöz qyzmetınıŋ mälımetınşe, Dandyǧūlovqa qatysty alaiaqtyq faktısı boiynşa qylmystyq ıs qozǧalǧan.
«Dandyǧūlovqa qatysty alaiaqtyq deregı boiynşa qylmystyq ıs tergelude. 2026 jyldyŋ 7 şıldesınde ol ızdeuge jariialandy, – delıngen habarlamada.
Ministrlık tergeu men jedel-ızdestıru şaralarynyŋ müddesıne bailanysty özge aqparatty jariialamady.
Būǧan deiın Amantai Dandyǧūlov İmanǧali Tasmaǧambetov Almaty qalasynyŋ äkımı bolǧan tūsta, äkımdık apparatynyŋ jetekşısı qyzmetın 2004-2008 jyldar aralyǧynda atqarǧan edı. Keiın ol «Novaia gazeta – Kazahstan» basylymyn da basqardy.
Şaŋyraq oqiǧasy 2006 jyly 14 şıldede Almaty qalasynyŋ şetındegı Şaŋyraq, Baqai jäne basqa da şaǧyn audandarda jer jäne baspana dauynan tuyndaǧan halyq pen bilık arasyndaǧy qandy qaqtyǧys retınde belgılı. Qaqtyǧys saldarynan 1 polisei qaza tapty, 25 adamǧa aiyp taǧyldy. Olardyŋ aldy 18 jylǧa sottaldy. Şaŋyraq oqiǧasyna bailanysty sottalǧandardyŋ bırı qoǧamdyq belsendı Aron Atabek bolatyn. Ol 18 jylǧa sottaldy. 2021 jyly türmeden jazasy jeŋıl merzımge auystyrylyp şyqqan kezde özı de türmedegı azaby men nauqasy saldarynan qaitys boldy.
