Kaspi.kz 2026 jylǧy 2-8 tamyzda Astanada ötetın IOAI 2026 halyqaralyq jasandy intellekt olimpiadasynyŋ bas serıktesı boldy.
Olimpiadaǧa 100 elden 400-den astam oquşy men student, sondai-aq komanda tälımgerlerı, halyqaralyq sarapşylar men tehnologiialyq industriia ökılderı qatysady. IOAI 2026 ūiymdastyruşysy – Qazaqstan Respublikasynyŋ sporttyq baǧdarlamalau federasiiasy. Is-şara Qazaqstan Respublikasy Prezidentınıŋ jäne UNESCO-nyŋ qoldauymen ötedı. Olimpiadanyŋ jahandyq demeuşılerı retınde Google, Huawei men basqa da jetekşı tehnologiialyq kompaniialar qatysady.
Astanada IOAI 2026 ötkızu – Qazaqstan üşın maŋyzdy oqiǧa. Bızdıŋ elımız bolaşaqtyŋ negızgı tehnologiialarynyŋ bırı — jasandy intellekt boiynşa baq synasu üşın älemdegı eŋ talantty jastar jinalatyn oryndardyŋ bırıne ainaluda.
Qazaqstandyq oquşylar men studentter qazırdıŋ özınde halyqaralyq arenada joǧary deŋgeidı körsetıp otyr. Qytaida ötken IOAI 2025 olimpiadasynda Qazaqstan komandasy älemnıŋ eŋ üzdık 100 komandasynyŋ ışınde 4-şı orynǧa ie boldy. Sondai-aq 2024 jyly Qazaqstan sporttyq baǧdarlamalau boiynşa eŋ bedeldı älemdık chempionattardyŋ bırı ICPC World Finals-tı ötkızgen bolatyn.
Kaspi.kz basşysy ärı negızın qalauşylardyŋ bırı Mihail Lomtadze:
«Bız Qazaqstannyŋ IOAI 2026 halyqaralyq jasandy intellekt olimpiadasyn ötkızetının maqtan tūtamyz. Būl – älemdık deŋgeidegı oqiǧa jäne bızdıŋ oquşylarymyz ben studentterımız üşın öz talantyn, bılımı men talpynysyn körsetuge berılgen ülken mümkındık. Kaspi.kz milliondaǧan klientter men jüzdegen myŋ käsıpkerler üşın öz önımderı men servisterın yŋǧaily, qauıpsız ärı paidaly etu maqsatynda jasandy intellektını belsendı türde damytyp, qoldanyp keledı. AI-olimpiadasyn qoldau – būl bızdıŋ kompaniianyŋ Qazaqstanda bolaşaqtyŋ tehnologiialaryn jasaityn mamandardyŋ jaŋa buynyn damytuǧa qosqan ülesı. Bız üşın jas qazaqstandyqtardyŋ zamanaui tehnologiialardy qoldanyp qana qoimai, olardy özderı jasap şyǧarǧany maŋyzdy. Bız IOAI 2026 bas serıktesı bolǧanymyzǧa quanyştymyz jäne Federasiiaǧa serıktestık ornatqany üşın alǧys aitamyz. Qazaqstannyŋ komandasyna jaŋa jeŋıster tıleimız!»
IOAI 2026 olimpiadasyn qoldau
Kaspi.kz-tıŋ Qazaqstandaǧy tehnologiialyq bılım berudı damytu boiynşa ūzaq merzımdı jūmysyn jalǧastyrady. Kompaniia bılım beru bastamalaryn, baǧdarlamalau jäne kiberqauıpsızdık jarystaryn qoldaidy, sondai-aq jas talanttarǧa praktikalyq bılım men täjıribe aluǧa kömektesedı.
Astanada ötetın IOAI 2026 – būl tek halyqaralyq jarys emes. Būl – Qazaqstannyŋ talantty injenerlerdıŋ, myqty jastardyŋ jäne ülken tehnologiialyq maqsattar elı ekenın älemge körsetu mümkındıgı.
Kaspi.kz turaly
Kaspi.kz missiiasy – klientter men serıktesterdıŋ ömırın jaqsartatyn innovasiialyq önımder men qyzmetter jasau.
Kaspi.kz servisterın Qazaqstan men Türkiiada 25 millionnan astam klient pen 900 myŋ serıktes qoldanady. Qazaqstanda superqosymşa tölemder, elektrondy kommersiia, onlain supermarket, finteh, saiahat, habarlandyru, memlekettık qyzmetter men basqa da servisterdı bırıktıredı. Kaspi.kz Türkiiada eldegı jetekşı elektrondy kommersiia platformasy – Hepsiburada-nyŋ iesı.
