Aqtóbede 3 jasar qyzdyń zorlanǵany jaıly aqparat tarady, dep habarlaıdy “Adyrna” ulttyq portaly.
Qazir polıııa tekseristi bastady.
Oqıǵany "Nemolchı" qorynyń jetekshisi Dına Tańsári áleýmettik jelidegi paraqshasynda jarııalady. Qor jetekshisiniń paraqshasyna belgisiz áıel 3 jasar qyzynyń zorlanǵany týraly habarlama qaldyrǵan.
"Anasynyń aıtýynsha, qyz ákesiniń týystaryna barǵan. Úıine kelgende kókesiniń tıiskenin aıtyp, shaǵym jasaǵan. Anasy balany aýrýhanaǵa aparǵan. Dáriger anýsta 2 santımetr syzat baryn rastaǵan. Qyzdyń anasy dereý polıııaǵa aryz bergen, biraq kúdikti aqsha tóleıdi dep qorqyp otyr. Onyń aıtýynsha, ol buǵan deıin polıııa qyzmetkeri bolyp, tipti ákimdikte basshylyq qyzmette bolǵan. Ony aýyldaǵynyń bári biledi, ol jaqta tanysy kóp. Onyń ústine, anasy tergeý amaldaryna barýǵa qorqady, óıtkeni ol óz ómiri men qyzynyń ómirine qaýiptenedi. Qyz psıhologııalyq zaqym alǵan, muny psıholog rastady", - delingen “Nemolchı” qorynyń jarııalanǵan jazbasynda.
Qazir jynystyq sıpattaǵy zorlyq-zombylyq deregi boıynsha sotaldy tergeý bastalǵan. Polıııa habarlamasynda:
“Kúdikti anyqtalyp, polıııa bólimine jetkizildi. Barlyq qajetti saraptama taǵaıyndaldy, onyń qorytyndysy boıynsha zańdy sheshim qabyldanady”, - delingen jaýapta.
Басқалармен бөлісе отырыңыз
