2025 jyldyŋ qaŋtar–jeltoqsan ailarynda Qazaqstanda taksi qyzmetın 174,5 mln jolauşy paidalanǧan. Būl turaly Energyprom.kz. jazdy, dep habarlaidy “Adyrna”.
Būl körsetkış 2024 jylmen salystyrǧanda 2,4 ese, al 2023 jylmen salystyrǧanda 3,5 ese öskenın körsetedı. Demek, taksige degen sūranys tūraqty türde artyp keledı.
2026 jyldyŋ qaŋtar aiynyŋ özınde 22,9 mln adam taksimen jürgen. Būl ötken jyldyŋ qaŋtarymen salystyrǧanda 2,1 ese artyq. Demek, ösım biyl da jalǧasyp otyr.
Aimaqtar boiynşa eŋ köp jolauşy Almaty men Astana qalalarynda tırkelgen. Ekı qalada bır jyl ışınde 60,7 mln adam tasymaldanǧan. Onyŋ ışınde Almaty – 33,2 mln adammen bırınşı orynda, al Astana – 27,6 mln adammen ekınşı orynda.
Kelesı oryndarda Almaty oblysy (13,7 mln), Maŋǧystau oblysy (12,1 mln) jäne Şymkent (10,4 mln) tūr.
Al eŋ az körsetkış Ūlytau oblysynda – 1,4 mln adam. Sondai-aq Soltüstık Qazaqstan oblysy (2,7 mln) men Şyǧys Qazaqstan oblysy (3,5 mln) oblystarynda da jolauşylar sany tömen.
2025 jyldyŋ qaŋtar–jeltoqsan ailarynda Qazaqstandaǧy taksi kompaniialarynyŋ jalpy tabysy 186,1 mlrd teŋge boldy. Tüsken kırıstıŋ şamamen jartysyna juyǧy – 46,6%-y – ekı qalaǧa tiesılı. Atap aitqanda, Almaty – 47,4 mlrd teŋge, Astana – 39,4 mlrd teŋge tabys tapqan. Sondai-aq Almaty oblysy (16,7 mlrd teŋge) men Qaraǧandy oblysy (9,4 mlrd teŋge) da joǧary körsetkış körsettı.
2025 jyldyŋ qorytyndysy boiynşa eldegı bır taksi saparynyŋ ortaşa qūny 1,1 myŋ teŋge boldy. Eŋ joǧary ortaşa baǧa Almaty men Astanada tırkeldı – är qalada şamamen 1,4 myŋ teŋge. Al eŋ qymbat jol jüru Qaraǧandy oblysy-nda – ortaşa eseppen 1,5 myŋ teŋge. Eŋ arzan öŋır – Qyzylorda oblysy, mūnda bır sapardyŋ ortaşa qūny 540 teŋge.
2025 jyldyŋ jeltoqsan aiynyŋ qorytyndysy boiynşa taksi qyzmetınıŋ baǧasy bır aida 1,8%-ǧa östı. Jyl boiy baǧa ai saiyn qymbattap otyrǧan. Tek tamyz aiynda ǧana 0,3%-ǧa tömendeu tırkeldı. Eŋ ülken ösım mausymda baiqaldy – bır aida bırden 4,7%-ǧa artqan.
Jalpy alǧanda, bır jyl ışınde taksi qyzmetı 17%-ǧa qymbattady. Al 2024 jyly ösım 8,4% bolǧan edı. Aimaqtar arasynda eŋ joǧary qymbattau Türkıstan oblysy-nda tırkeldı – 42,9%. Odan keiın Aqmola oblysy (37,7%) jäne Jetısu oblysy (21,2%) keledı.
Baǧa özgermegen jalǧyz öŋır – Pavlodar oblysy. Al eŋ tömen ösım Aqtöbe oblysy (2,7%), Batys Qazaqstan oblysy (3,3%) jäne Soltüstık Qazaqstan oblysynda (3,4%) baiqaldy.
