Jambyl oblysynda qatty dauyl saldarynan ondaǧan ǧimarattyŋ şatyry ūşyp, kommunaldyq mäseleler tuyndady, dep habarlaidy "Adyrna" ūlttyq portaly öŋır äkımdıgıne sıltep.
«21 aqpan künı taŋǧy saǧat 04:00-den bastap T. Rysqūlov audany aumaǧynda sekundyna 30 metrge deiın jetken qatty jel tırkeldı. Nätijesınde jetı eldı mekendegı 25 nysannyŋ, onyŋ ışınde segız äleumettık nysannyŋ şatyrlary ışınara zaqymdandy. Sonymen qatar, 13 eldı mekende elektr jaryǧy öşıp, üş eldı mekende gaz beru uaqytşa toqtatyldy», – delıngen habarlamada.
Qalpyna keltıru jūmystaryna toǧyz apattyq brigada jūmyldyrylyp, olar kezeŋ-kezeŋımen eldı mekenderge elektr quaty men gazdy qaita qosyp jatyr. Qaza tapqandar men zardap şekkender joq. Qazırgı uaqytta zaqymdanǧan nysandardy tekseru jūmystary jürgızılude.
