AQŞ äkımşılıgı İrannyŋ syrtqy ıster ministrı Abbas Arakchidıŋ Davosta ötetın Düniejüzılık ekonomikalyq forum aiasynda amerikalyq ökılmen kezdesu turaly ötınışın qabyldamady. Būl turaly WSJ jazdy, dep habarlaidy “Adyrna”.
Basylym arab jäne europalyq derekközderge sılteme jasap jazǧandai, Arakchi Düniejüzılık ekonomikalyq forum qarsaŋynda AQŞ prezidentınıŋ arnaiy ökılı Stiven Uitkoffpen kezdesu ūiymdastyruǧa bırneşe ret talpynǧan. Alaida Vaşington būl bastamalardy qoldamaǧan.
Kezdesu turaly ūsynys İrandaǧy ışkı şielenıstıŋ küşeiuı men narazylyqtardyŋ artuyna bailanysty AQŞ-ta yqtimal jauap qadamdary talqylanyp jatqan tūsta jasalǧany atap ötıledı. Amerikalyq tarap mūndai kezdesudıŋ josparlanbaǧanyn jäne kün tärtıbınde tūrmaǧanyn mälımdegen.
Būǧan deiın İran syrtqy ıster ministrı Abbas Aragchi Miunhendegı qauıpsızdık konferensiiasyna şaqyrtuynan qaǧylǧanyn habarladyq.
Report agenttıgınıŋ mälımetınşe, ūiymdastyruşylardyŋ şeşımı İrandaǧy narazylyqtardy küşpen basu oqiǧalaryna bailanysty qabyldanǧan.
Baspasöz habarlamasynda bırneşe apta būryn İran ükımetınıŋ ökılderıne, onyŋ ışınde Abbas Aragchiǧa şaqyrular jıberılgenı aitylǧanymen, «qazırgı jaǧdaiǧa bailanysty Miunhen qauıpsızdık konferensiiasy būl şaqyrulardy kerı alady» delıngen.
Miunhen qauıpsızdık konferensiiasy biyl 13–15 aqpan künderı ötedı.
Al Düniejüzılık ekonomikalyq forumnyŋ 2026 jylǧy otyrysy Davosta 19–23 qaŋtar aralyǧynda ötedı.
