Qyzylorda oblysynda Qazaly audandyq sotynyŋ töraǧasy Däuren Äbdıqalyqov sybailas jemqorlyq jasady degen küdıkpen ūstaldy, dep habarlaidy "Adyrna" ūlttyq portaly Mihail Kozachkov Telegram-paraqşasyna sıltep.
Aldyn ala mälımetterge säikes, Qyzylorda oblysy boiynşa Ūlttyq qauıpsızdık komitetınıŋ qyzmetkerlerı sot töraǧasyn ūstaǧan. Tergeu barysynda küdıktıge qatysty ıstıŋ para alu nemese alaiaqtyq faktısı boiynşa qozǧalǧany anyqtalyp jatyr.
Tergeu nūsqasyna säikes, 2024 jyly alaiaqtyq qylmysy üşın sottalǧan azamattyŋ tuystary jazany jeŋıldetu maqsatynda Däuren Äbdıqalyqovqa 6 million teŋge kölemınde para bergen. Nätijesınde sottaluşy şartty jaza alǧan. Keiınırek ol merzımınen būryn bosatylu üşın taǧy 300 myŋ teŋge joldaǧany aitylyp otyr.
Sonymen qatar Ūlttyq qauıpsızdık komitetı Qazaly audandyq sotynyŋ sudiasy Serık Bertaiǧa qatysty da tergeu jürgızudı josparlap otyr. Alaida ol qazırgı uaqytta auruhanada em qabyldap jatqandyqtan, äzırge ūstalmaǧan.
Qūqyq qorǧau organdary atalǧan ıske qatysty tergeu amaldaryn jalǧastyryp jatyr. Özge mälımetter tergeu müddesıne bailanysty jariialanbaidy.
