Arhiv derekterın ūzaq jyldar boiy jinaqtap, ǧylymi ainalymǧa engızıp kele jatqan Bolatbek Näsenov jeke qoryndaǧy bırqatar qūndy tarihi qūjattardy Ortalyq memlekettık arhivke resmi türde tapsyrdy. Būl turaly arhivtıŋ baspasöz qyzmetı jazdy, dep habarlaidy "Adyrna".
Bolatbek Näsenov būl qadamdy ūlttyq tarihi mūrany saqtau, arhiv qoryn baiytu jäne bolaşaq zertteuşılerge qoljetımdı etu maqsatynda jasap otyrǧanyn atap öttı. Onyŋ aituynşa, jeke qolda saqtalǧan tarihi qūjattar tek ǧylymi eŋbekterde ǧana emes, memlekettık arhivterde jüielı türde saqtaluy tiıs.
"Arhivke tapsyrylyp jatqan materialdar arnaiy saraptamadan ötkızılıp, belgılengen tärtıpke säikes esepke alynady. Keiın būl qūjattar tarihşylar men zertteuşıler üşın aşyq derekköz retınde paidalanylmaq". delıngen arhiv habarlamasynda.
Aita ketu kerek, Bolatbek Näsenov ūzaq jyldar boiy şetel jäne otandyq arhivterden jinalǧan tarihi derekterdı zerttep, köptomdyq ǧylymi eŋbekter jariialap keledı. Onyŋ jeke arhiv qory – Qazaqstan tarihyn tereŋırek tanuǧa mümkındık beretın maŋyzdy derekközderdıŋ bırı.
