İran ükımetı zaŋdy narazylyqtar men tärtıpsızdıkterdı ajyratyp qaraidy jäne qajettı reformalardy jürgızuge daiyn ekenın mälımdedı. Būl turaly Report agenttıgı Al Mayadeen telearnasyna sılteme jasap jariialady, dep habarlaidy “Adyrna”.
Prezident Masud Pezeşkian halyqqa jasaǧan teleündeuınde bilıktıŋ azamattardyŋ talabyn tyŋdauǧa jäne ekonomikalyq reformalardy jalǧastyruǧa niettı ekenın aitty.
Onyŋ sözınşe, narazylyq bıldıruşıler ekonomikalyq jaǧdaidyŋ naşarlauyna alaŋdauly, bıraq qylmystyq äreketterge barmaidy. Al eldegı tärtıpsızdıkterdı AQŞ pen İzrail arandatuda dep aiyptady.
Sonymen qatar, prezident jastardy bülıkşıler men terroristık toptardan aulaq boluǧa şaqyryp, qoǧamda tūraqtylyqty saqtaudyŋ maŋyzyn atap öttı.
Aita ketsek, İrandaǧy narazylyq aksiialary 14 künnen berı jalǧasyp keledı. Qaza tapqandar sany 116 adamǧa jetken. Olardyŋ arasynda arasynda qauıpsızdık küşterınıŋ 37 qyzmetkerı, tört medisina qyzmetkerı jäne bır prokuror bar. Sonymen qatar 2 600-den astam adam türlı jaraqat alǧan, al ūstalǧandardyŋ jalpy sany 2 638 adamnan asqan.
Sondai-aq, būǧan deiın İrannyŋ qazaqtar tūratyn aimaǧy Golestan provinsiiasynda tärtıpsızdıkterdı ūiymdastyruşylardyŋ bırqatary ūstalǧanyn habarladyq.
