Jambyl oblysyndaǧy 6506 äskeri bölımınde merzımdı qyzmetın ötep jürgen sarbaz köz jūmdy. Qaraly habardy Ūlttyq ūlannyŋ baspasöz qyzmetı rastady, dep habarlaidy «Adyrna» tılşısı.
Äskeri qyzmetker qyzmet barysynda medisinalyq kömekke jügınıp, Şymkent qalasyndaǧy medisinalyq mekemelerde därıgerlerdıŋ baqylauynda bolyp, tekserulerden ötken. 6 qaŋtar künı onyŋ jüregı kenetten toqtap qalǧan. Körsetılgen medisinalyq kömekke qaramastan, sarbazdyŋ ömırın saqtap qalu mümkın bolmaǧan. Aldyn ala qoiylǧan diagnoz — jedel leikoz.
«Ūlttyq ūlannyŋ qolbasşylyǧy men jeke qūramy orny tolmas qaiǧyǧa bailanysty marqūmnyŋ tuǧan-tuystary men jaqyndaryna köŋıl aitady», – delıngen habarlamada.
Qazırgı taŋda atalǧan derek boiynşa qylmystyq ıs qozǧalǧan.
Ūqsas jaŋalyqtar
