2026 jyly Qazaqstanda jasandy intellekt (Jİ) bılım salasynda belsendı qoldanylatyn bolady, dep habarlaidy "Adyrna" ūlttyq portaly.
Būl turaly bılım jäne ǧylym vise-ministrı Asylbek Ahmetjanov mälımdedı.
Ol ministrlık ūlttyq sifrlyq profilder jüiesın jäne Ūlttyq bılım beru platformasyn qūruǧa kırıskenın habarlady. Būl maqsatta Ūlttyq bılım beru derekter bazasy jaŋartylyp, barlyq elektrondyq kündelıkter men jurnaldardyŋ derekterı QazTech memlekettık būlttyq platformasynda bırıktırılmek. Jİ pedagogtardyŋ kündelıktı jūmysyn azaituǧa septıgın tigızedı. Mysaly, pedagogikalyq keŋesterge daiyndyqqa kömektesedı.
2026-2027 oqu jylynan bastap pilottyq aimaqtardaǧy az oquşysy bar mektepterde «Qazaq Digital Mektebi» jobasy ıske qosylady. Joba aiasynda Jİ-repetitorlar qoldanylyp, 2026 jyly 200 myŋnan astam pedagog jasandy intellekt daǧdylaryn meŋgermek. Sonymen qatar, oquşylar arasynda Jİ-saladaǧy sauattylyqty arttyruǧa erekşe köŋıl bölınedı.
Aita keteiık, 2026 jyl Qazaqstanda Sifrlandyru jäne jasandy intellekt jyly dep jariialanǧan bolatyn.
