Resei basşysynyŋ kömekşısı Iýrii Uşakov Ukraina qaruly küşterı Vladimir Putinnıŋ rezidensiiasyna alys qaşyqtyqqa ūşatyn drondarmen şabuyl jasaǧanyn mälımdedı, dep habarlaidy «Adyrna» tılşısı APA agenttıgıne sılteme jasap.
Uşakovtyŋ aituynşa, Kiev Novgorod oblysynda ornalasqan Resei prezidentınıŋ rezidensiiasyna alys qaşyqtyqtaǧy ūşqyşsyz ūşu apparattaryn keŋ kölemde qoldana otyryp, terroristık şabuyl ūiymdastyrǧan.
Al Reseidıŋ syrtqy ıster ministrı Sergei Lavrov 29 jeltoqsanǧa qaraǧan tünı 91 ūşqyşsyz apparattyŋ şabuyly bolǧanyn aitty. Barlyq dron äue şabuylyna qarsy qorǧanys küşterı tarapynan joiylǧan. Ministr Ukraina äreketterı jauapsyz qalmaitynyn, jauap soqqylarynyŋ nysandary men uaqyty anyqtalǧanyn atap öttı.
Ukraina prezidentı Vladimir Zelenskii şabuyl turaly mälımdemenı jalǧan dep atap, ony Reseidıŋ Kievtegı ükımettık kvartalǧa soqqy beruge daiyndalyp jatqanymen bailanystyrdy.
«Bız ben Amerika arasynda janjal bolmai, kerısınşe, ılgerıleu baiqalsa, būl orystar üşın sätsızdık sanalady. Öitkenı olar būl soǧystyŋ aiaqtalǧanyn qalamaidy»,-dedı basşy.
Ukraina prezidentınıŋ pıkırınşe, Mäskeu mūndai mälımdemeler arqyly Kiev pen Vaşington arasyndaǧy beibıt kelıssözderde qol jetkızılgen progrestı būzuǧa tyrysyp otyr. Osyǧan bailanysty ol Trampty «Reseidıŋ qoqan-loqqylaryna tiısınşe jauap beruge» şaqyrdy.
Eske salaiyq, 29 jeltoqsanǧa qaraǧan tünı Floridada Ukraina men AQŞ prezidentterı kezdesken edı. Taraptar Ukraina basşysy ūsynǧan 20 tarmaqtan tūratyn beibıt jospardyŋ jekelegen aspektılerın talqylady. Kezdesu qorytyndysy boiynşa Aq üi basşysy beibıt jospardyŋ şamamen 90 paiyzy kelısılgenın jetkızdı.
